SHBA forcon burimet ushtarake në Lindjen e Mesme; Netanyahu thotë se Izraeli duhet ‘të qëndrojë larg’ nga vrasja e Soleimanit.

Udhëheqësi i Gardës Revolucionare të Iranit kërcënoi të Martën të “ndezë flakë” vendet e mbështetura nga Shtetet e Bashkuara për vrasjen e javës së kaluar të gjeneralit të lartë iranian Qassem Soleimani në një sulm ajror të urdhëruar nga Presidenti Trump, ndërsa zyrtarët ushtarakë amerikanë përforcojnë burimet pranë Lindjes së Mesme .

Forcat Ajrore të Sh.B.A-së po vendosin gjashtë bombardues B-52 në rajon, mes kërcënimit në rritje nga Irani pas vrasjes së Soleimanit, konfirmoi të hënën Fox News. Kërcënimi ishte i dukshëm ditën e martë, ndërsa një det me mijëra mbështetës, raportohet se thirrën “Vdekje Izraelit!”, kur Hossein Salami i Iranit u zotua për hakmarrje në sheshin qendror në Kerman, vendlindjen e Soleimanit, ku eshtrat e tij arritën për tu varrosur.

Gjithashtu, tragjedia goditi gjatë procesionit të funeralit te Soleimanit kur një ikje në rrëmujë shpërtheu, duke vrarë 35 njerëz dhe duke plagosur 48 të tjerë, njoftoi televizioni shtetëror Iranian.

Ndërkohë, kryeministri izraelit Benjamin Netanyahu u përpoq të distancohej nga sulmi ajror i drejtuar nga SH.B.A. që vrau Soleimanin, duke u thënë ministrave të Kabinetit të Sigurisë të hënën se Izraeli duhet të “qëndrojë jashtë tij”, sipas raporteve të Axios.

Gjithashtu të hënën, Sekretari i Mbrojtjes Mark Esper dhe Gjenerali Mark Milley, kryetari i Shefave të Përgjithshëm të Shtabit, u përpoqën të shuanin konfuzionin për një letër që qarkullonte nga ushtria amerikane që i thoshte Irakut se do të tërhiqte trupat amerikane nga rajoni një ditë pasi ligjvënësit irakenë miratuan një rezolutë që bente thirrje për të dëbuar trupat amerikane nga vendi. Si Esper ashtu dhe Milley e quajtën një gabim letrën pa nënshkrim dhe thanë që SH.B.A. nuk kishin ndërmend të tërhiqnin trupat.

Veritas.com.al/