Izraeli ka lëshuar mëngjesin e së premtes, raketa në një sulm hakmarrës kundër Iranit. Sulmi raportohet se është kryer në provincën qendrore të Isfahan, pranë një baze ushtarake.

Kjo është konfirmuar nga një zyrtar i lartë për televizionin amerikan, ABC News.

Lëshimi i raketave pason sulmin e Iranit të shtunën e kaluar, ku vendi dërgoi një breshëri prej më shumë se 300 dronë pa ekuipazh dhe raketa drejt objektivave në të gjithë Izraelin, thanë më parë zyrtarët ushtarakë izraelitë.

Të gjithë, përveç disave, u kapën nga Izraeli dhe aleatët e tij, përfshirë Shtetet e Bashkuara, thanë zyrtarët.

Sulmi i Iranit erdhi më shumë se gjashtë muaj pasi grupi i Hamasit sulmuan Izraelin më 7 tetor, pas së cilës ushtria izraelite filloi bombardimin e saj në Rripin e Gazës.