Nga Denion Meidani

 

Dikur opozite sot e vetëquajtura “Rilindja” kritikonte qeverinë e atëhershme për Lazaratin dhe premtonte që do të zhdukte kultivimin e hashashit në këtë zonë të vogël të Shqipërisë. Dhe pa dyshim ky është një nga ato pak premtime elektorale të mbajtura. Me të vërtetë, hashashi së bashku me banorët e fajshëm dhe të pafajshëm të Lazaratit u goditën me gjithë forcën, arrogancën e brutalitetin e panevojshëm të shtetit për muaj me radhë.

Por, po ashtu, është e vërtetë se agronomet e dalluar, që kishin përmirësuar farën e hashashit, dhe natyrisht, kokat e trafikut, së bashku me laboratorët dhe laborantet e tyre te specializuar, nuk u gjetën dhe as nuk u kapën kurrë. Me sa duket, ata ishin “ekspertët” e nevojshme me “know-how” dhe lidhjet e nevojshme jashte, qe do te sherbenin ne pjesen e dyte te planit “Rilindja”. Hashashi i Lazaratit u zhduk nga kjo zone por, duke ju referuar 360 apo me shume zonave te detajuara ne media, u mboll e lulezoi kudo ne Shqiperi, jug, veri, lindje e perendim.

Personalisht, por dhe per shkak te detyrave te meparshme qe kam pasur, po e ndjek nje situate te tille me vemendje, mbi te gjitha me zhgenjim e shume merzi, ndoshta dhe pak kersheri akuzat, fotot, videot dhe provat e servirura si nga opozita ashtu edhe nga disa gazetare kurajoze. Atje ndeshen jo pak prova per mbjellje massive dhe lista shumemerore te zyrtareve me te larte te policise, administrates dhe politikes, te cilet akuzohen per perfshirje direkte dhe indirekte ne kete trafik 3 vjecar, ne nje rritje gjeometrike te pandalshme. Gjithashtu, nuk mund te lihen menjane as akuzat e tre prej deputeteve me me ze dhe te mireinformuar te opozites, ate te ish-kryeministrit z. Berisha, ate te ish-ministrit te brendshem , si dhe ate te drejtuesit te Departamentit te Rendit dhe Sigurise ne PD te ish-ministrit te drejtesise z. Alibeaj, per perfshirje te Ministrit Tahiri dhe krereve me te larte te policise ne takime direkte me mafian italiane dhe krimin e organizuar nderkombetar.

Sipas tyre, keto takime sherbenin per te organizuar transferten dhe shitjen e ketij malli teper me vlere e per te siguruar akses dhe fonde ne tregjet nderkombetare te narkotikeve! Nje gje eshte e sigurte informacioni eshte publik por askush nuk po reagon, askush nuk po e mohon dhe nderkohe bimet rriten e forcohen dhe askush ne emer te shtetit nuk po leviz as gishtin e vogel per t’iu kundervene e per te bere dicka ligjore (dhe ktu nuk mund te futet ujitja e korrja kur te piqet “fruti” nga ana e tyre). Nderkohe, sipas lajmeve te brendshme apo te jashtme, gomone e kamiona te mbushur me tonelata me hashash kane rene e po bien vazhdimisht ne rrjeten e sherbimeve partnere nderkombetare. Por, sipas disa llogaritjeve te tyre per hektaret e siperfaqeve te kultivuara, mendohet se kjo duhet te jete vetem maja e ajsbergut, vetem nje pjese e vogel e asaj qe korret, qe konsumohet brenda vendit, sidomos e asaj qe trafikohet me uje, toke e ajer ne vende te tjera.

Eshte teper e rendesishme ne kete faze, por dhe mbetet per t’u zbuluar se cilat institucione financiare po favorizojne, stimulojne e sponsorizojne kete tregeti, cilat jane ato banka qe po pranojne derdhjet e kriminalizuara financiare apo lehtesojne transfertat dhe qarkullimin e tyre. Apo, akoma, cilet jane ato biznese te regjistruara brenda e jashte vendit, qe kane marre persiper qe te mbulojne e rinvestojne te ardhurat e ketij trafiku te paligjshem? Sigurisht, ka dyshime te bazuara brenda dhe jashte vendit se keto rruge e mjete financiare jane perdorur edhe me pare mbas korrjeve dhe premisat jane qe ato do te vazhdojne qe te perdoren serisht per financime te ndryshme, perfshire dhe ato te fushatave elektorale dhe atyre partiake, si dhe per te influencuar median dhe pushtetet e tjera te pavarura nga ekzekutivi, por edhe per te siguruar influence politike e publike jashte vendit qe serisht mund dhe do te perdoret per mbulim, propagande dhe paresisht per qellime elektorale dhe per kete ketu mjafton qe te kujtojme foton e famshe dhe viktimen e saj- Bilalin, taksistin e shkrete.

Duke lexuar gjithcka qe kam shkruar me lart, me krijohet pa dashje nje analogji. Me duket sikur po lexoj serisht ne librat e historise se si Britania ktheu njehere e nje kohe opiumin ne nje komoditet imperial per te mbajtur nje ekonomi politike ne favor te interesave te saj dominuese. Por, kjo eshte ende pak. Ajo, fatkeqesisht, me ngjason me shume me leximet mbi fillimet e historise se trishte te kthimit te Kolumbise ne nje shtet ku mungon progresi, mbreteron skamja popullore dhe qe eshte i dominuar nga narkotrafiku dhe oligarket, ku fillimi i fundit te kalbjes te ketij shteti ngjason jashtezakonisht shume me keto tre vitet e “rilindjes” shqiptare…

A mundet dikush te me thote sot cfare arsye tjeter do te kishte nje mbjellje masive e ketyre permasave? Duket e veshtire qe dikush te thote “krijuam kete tregeti droge sepse na u duk nje oportunitet i paperseritshem biznesi”, por duket po aq e veshtire qe dikush tjeter te pranoje “qe pame nje mundesi te arte teksa ishim ne opozite per ta zmadhuar, per ta favorizuar dhe per ta institucionalizuar kete biznes duke inkurajuar keshtu rritjen ekonomike te munguar, me shume pushtet e influence politike,dominim elektoral dhe natyrisht pak perfitim te nevojshem personal”. Mendoj qe, nuk duhet ta shohim thjeshte si nje ekonomi kriminale ne lulezim e siper por duhet detyrimisht te futemi ne kendveshtrimin klasik te zbatimit mbi resurse te paligjshme te nje ekonomie politike imperialiste (mbeshtetur ne nje perandori narkotrafiku anembane botes pjese e se ciles tashme jemi dhe ne me te drejta te plota dhe sasi te konsiderueshme!) nga ana e shtetit duke na dhene si rezultante nje sukses bizantin te rilindjes se Shqiperise drejt nje Kolumbie Ballkanike.

Po e mbyll me fjaline e tij epike: “Ju nuk keni pare gje akoma!”