Bosi i Komisionit Evropian Jean-Claude Juncker ka ndryshuar rregullat që qeverisin veprimtarinë politike të Komisionerëve të Bashkimit Evropian, duke u lejuar atyre të bëjnë fushatë aktive në zgjedhjet e ardhshme të Parlamentit Evropian.

Me pare Komisioni i BE-së, një organ i pazgjedhur i cili vepron si ekzekutiv i bllokut dhe është i vetmi promotor i ligjeve në nivelin e BE-së, konsiderohej si teknokratik dhe jo dukshëm politik dhe nuk duhej të merrte qëndrime politike partiake me vullnetin e tij – të paktën ne teori.

Por rregullat e reja do të lejojnë Komisionin të bëjë fushatë, të mbështesë dhe përkrahë kandidatë dhe parti përpara zgjedhjeve të Parlamentit Evropian që do të mbahen në maj, shkruan gazeta Il Giornale.

“Që nga fillimi kam dashur që ky Komision të ketë një vlerë politike: Komisionerët marrin përgjegjësinë e plotë dhe përgjegjësinë politike për të gjitha vendimet e Komisionit”, tha Juncker, duke shtuar: “Unë pres që ata të angazhohen plotësisht dhe personalisht me qytetarët dhe të marrin pjesë në mënyrë aktive në zgjedhjet e ardhshme për Parlamentin Evropian si një pjesë integrale e këtij angazhimi “.

Përpara rregullave të reja, komisionerët nuk kanë qenë veçanërisht të turpshëm për të shprehur opinionet e tyre poltike, sidomos në lidhje me qeverinë populiste të koalicionit italian, kryesuar efektivisht nga kreu i Lëvizjes 5 Yje (M5S) Luigi Di Maio dhe udhëheqësi i Legës (La Lega) Matteo Salvini .

Komisioneri i BE për Çështjet Ekonomike Pierre Moscovici ka përplasur vazhdimisht Italinë gjatë disa muajve të fundit, madje duke iu referuar populistëve në të gjithë kontinentin si “Musoline te vegjël”.

Në nëntor, Moscovici madje shkoi aq larg sa pretendonte se lufta mund të kthehej në Evropë nëse populistët fitojnë pushtet në të gjithë kontinentin, duke thënë: “Nëse do të rivendosim ndarjet mes nesh, Veri- Jug, Lindje-Perëndim dhe nëse preferenca kombëtare bëhet mënyra e te menduarit te Evropes, Evropa do të vdesë … Pa Evropë, jam i sigurtë se lufta mund të rishfaqet këtu “.

Komisioneri Evropian përgjegjës për buxhetin, Günther Oettinger, gjithashtu ka bërë deklarata drejtuar populistëve dhe konservatorëve të Evropës në Itali, Poloni dhe Hungari, duke thënë, “Sipas mendimit tim, projektit [Bashkimi Evropian] i afrohet rreziku i vdekjes … Disa brenda Europës duan ta dobësojnë atë apo për ta shkatërruar atë “.

Presidenti i Komisionit Jean-Claude Juncker nuk është gjithashtu i huaj ndaj deklaratave politike kundër populistëve. Qershorin e kaluar Juncker deklaroi nevojën për të shkatërruar populizmin para zgjedhjeve të Parlamentit Europian të këtij viti dhe më vonë atë vit fajësoi populizmin për disa vende anëtare të BE-se që dolen nga marrëveshja e diskutueshme e emigracionit të OKB-së.

Veritas.com.al/