ROB GILLIES, Associated Press 

TORONTO (AP) – Kanadaja mbylli Parlamentin dhe këshilloi kundër të gjitha udhëtimeve jo-thelbësore jashtë vendit të Premten ndërsa Kryeministri Justin Trudeau qeveris në distancë nga shtëpia e tij, në karantinë të vetë-imponuar pasi gruaja e tij u testua pozitive për koronavirusin e ri.

Dr Theresa Tam, shefja e lartë e shëndetit publik, gjithashtu këshilloi më shumë distancim social, pa shtrëngime duarsh dhe puthje, ndërsa qeveria Kanadeze këshilloi anulimin e ngjarjeve të mëdha si koncertet dhe Ministri i Transportit Marc Garneau tha se anijet e lundrimit me më shumë se 500 njerëz nuk do të jenë në gjendje të ankorohen në Kanada deri më 1 korrik.

Fluturimet jashtë shtetit që kthehen në Kanada do të kufizohen gjithashtu në një numër të vogël aeroportesh.

Dhoma e Ulët e Kanadasë votoi të mbyllet për të paktën pesë javë për të ndihmuar ligjvënësit të mos kontribuojnë në përhapjen e virusit.

Lëvizjet erdhën një ditë pasi gruaja e Trudeau u testua pozitive. Vetë kryeministri ka qenë në karantinë të vetë-imponuar.

“Unë do të qëndroj në vetë izolim për 14 ditë. Dua të jem i qartë. Unë nuk kam simptoma dhe ndihem shumë mirë,” tha Trudeau në një konferencë shtypi jashtë rezidencës së tij në Otava.

“Teknologjia më lejon të punoj nga shtëpia.”

Trudeau po e karantinon veten në shtëpi sepse gruaja e tij, Sophie Grégoire Trudeau,u testua pozitive për koronavirusin e ri pasi u kthye nga Britania. Ai tha të Premten se gruaja e tij ka simptoma të buta të ngjashme me gripin, por po bëhetn mirë. Ai tha se as ai dhe as tre fëmijët e tyre nuk po shfaqin simptoma.

Trudeau tha se stimuj të rëndësishëm do të njoftohen së shpejti.

“E di se jeni të shqetësuar,” tha Trudeau.

“Askush nuk duhet të shqetësohet për pagimin e qirasë, blerjen e sendeve ushqimore.”

Trudeau po e kalonte ditën në konferenca, telefonata dhe takime virtuale nga shtëpia, përfshirë bisedimet me drejtuesit e tjerë botërorë dhe ju bashkua një diskutimi të veçantë të komitetit të Kabinetit për koronavirusin. Trudeau foli të enjten me Presidentin e SHBA Donald Trump dhe Kryeministrin britanik Boris Johnson.

Ai tha se fëmijët e tij janë gjithashtu në vetë izolim dhe kanë luajtur me LEGO. Ai tha se gruaja e tij ka folur me familjen dhe miqtë në telefon.

Vetë Trudeau nuk ishte testuar sepse nuk po shfaqte simptoma, tha zyra e tij. Këshilla e mjekut për kryeministrin është që të vazhdojë aktivitetet e përditshme ndërsa vetë-monitorohet.

Banka qendrore e Kanadasë gjithashtu njoftoi se po ul objektivin e saj të normës brenda natës me gjysmë pikë përqindje në 0.75 përqind në përgjigje të pandemisë. Banka pothuaj ka shkurtuar me gjysmë pike normën në 4 mars për shkak të virusit.

Ministri Kanadez i Financave Bill Morneau tha se një program i lehtesimit të kreditimt prej 10 miliardë dollarë kanadez (7.1 miliardë dollarë amerikanë) do të jetë gjithashtu në dispozicion të biznesit dhe paketës stimuluese sinjifikative që po vjen.

“Ne do të bëjmë gjithçka që duhet për të mbrojtur Kanadezët dhe për ta mbajtur ekonominë tonë të fortë,” tha Morneau.

VERITAS.COM.AL