Një anëtare e rrethit të ngushtë të Viktor Orban ka dhënë dorëheqjen pasi kryeministri hungarez foli kundër  “popujve të racave të përzier”.

Zsuzsa Hegedus, e cila e njeh nacionalistin Orban për 20 vjet, e përshkroi fjalimin si një “tekst të pastër nazist”, sipas mediave hungareze.

Komiteti Ndërkombëtar i Aushvicit i të mbijetuarve të Holokaustit, e quajti fjalimin si “i marrë dhe të rrezikshëm”.

Zëdhënësi i Orban tha se media i kishte keqinterpretuar komentet.

Fjalimi u mbajt të shtunën në një rajon të Rumanisë që ka një komunitet të madh hungarez.

Në të, Orban tha se popujt evropianë duhet të jenë të lirë të përzihen me njëri-tjetrin, por se përzierja me jo-evropianët krijoi një “botë të racave të përziera”.

“Ne jemi të gatshëm të përzihemi me njëri-tjetrin, por nuk duam të bëhemi popuj të racës së përzier,” tha ai.

Pikëpamjet kundër emigracionit të zotit Orban janë të njohura mirë, por për zonjën Hegedus, fjalimi i së shtunës kaloi kufirin.

“Nuk e di se si nuk e vutë re që fjalimi që mbajtët është një diatrime thjesht naziste e denjë për Joseph Goebbels,” shkroi ajo në letrën e saj të dorëheqjes, sipas uebsajtit hungarez të lajmeve hvg.hu.

Goebbels ishte kreu i ministrisë së propagandës së Adolf Hitlerit.

Vërejtjet e zotit Orban për racën janë kritikuar ashpër nga disa në Hungari dhe janë mbrojtur po aq ashpër nga të tjerët.

“Vetëm një racë banon në këtë tokë, Homo Sapiens. Dhe është unike dhe e pandarë,” komentoi kryerabini Robert Fröhlich.

Politikanët e opozitës, të mposhtur  nga partia Fidesz e Z. Orban në zgjedhjet e prillit, thanë se komentet e tij ishin “përtej të zbehtëve… të padenjë për një burrë shteti evropian”.

Zëdhënësi i qeverisë Zoltan Kovacs u përpoq të zbehte korin në rritje të dënimit, duke argumentuar se kryeministri kishte qenë i hapur për temat e emigrimit dhe asimilimit për vite me radhë.

Në gazetën e përditshme të qeverisë, Magyar Nemzet, një artikull vlerësoi zotin Orban për mbrojtjen e idesë së kombësisë kundër një përpjekjeje për të përzier të gjitha kombet “në një masë gri, të padallueshme”.

Në rastin më të mirë, zoti Orban duket i hutuar, duke folur ndonjëherë për hungarezët si “shoqëria më e përzier”, herë të tjera, duke sugjeruar se beson në pastërtinë etnike.

Dorëheqja e Zsuzsa Hegedus nuk ka gjasa të ketë pasoja të mëtejshme në Hungari. Disiplina partiake është e shtrënguar dhe dorëheqjet pothuajse të padëgjuara.