6 persona janë shoqëruar nga Policia e Tiranës, si persona të dyshuar ose që kanë dijeni për vrasjen e të resë nga Kenia,  Joy Ayoko. Report Tv ka mësuar se mes personave të shoqëruar është edhe shoferi i kazinos, Rodin Barçi, me të cilin e reja ka pasur edhe një marrëdhënie intime, si edhe vëllai i këtij të fundit. Mësohet se gjatë natës janë kontrolluar edhe disa banesa.

Celulari ka qendruar prej gati 8 muajsh në laborator, për shkak se pas ngjarjes, i ishte ndryshuar kodi dhe hetuesve u është dashur kohë për zbardhimin e saj.

Burime bëjnë me dije se personat e shoqëruar janë mbajtur në përgjim, e ndërsa kamerat e sigurisë kanë kapur një person me skuter të ketë shkuar në hostelin ku jetonte 22-vjeçarja dhe mendohet të jetë që të jetë Barçi. Dyshimet kryesore bien mbi të, megjithatë hetimet po vijojnë. Deri tani nuk ka një urdhër ndalimi apo arresti nga prokuroria.

Si ndodhi ngjarja?
E reja punonte në një kazino të Tiranës ku jetonte prej kohësh së bashku me disa shoqe të saj gjithashtu nga Kenia. Nena e vjazes keniane keniane, që jetonte në Tiranë me disa shoqe të saj, u njoftua nga kompania e kazinosë që vajza e saj kishte përfunduar në spital. Shoqet e dhomës kanë dhënë dëshmi kontradiktore me njëra tjetrën, e ndërsa i dyshuar ka qenë edhe shoferi i kazinosë. Rodi Barci, 32 vjeç, ka deklaruar se ka qenë i lidhur me Joy-n, por në momentin kur ka ndodhur ngjarja, kanë qenë të ndarë dhe nuk kishin më lidhje me njëri tjetrin.

Joy Ayoko u gjet në gjendje kome jashtë Hostelit ku qëndronte në muajin gusht të vitit të kaluar. 22-vjeçarja u largua nga Shqipëria më 25 janar të këtij viti, drejt vendlindjes për t’u mjekuar në spitalin Kenyatta, në Kenia. Joy u largua nga spitali i Traumës në gjysmë koma, e pavetëdijshme dhe ndërroi jetë në Kenia.