(FOTO: Drejtori i Medresesë distancohet nga qëndrimi i mësueses).

Emine Alushi, mësuese e Medresesë në Shkodër, është regjistruar në një video tashmë të shpërndarë në publik, duke iu  thënë nxënësve se “ISIS është i mirë, mbron myslimanët. Këta që thonë se është i keq, gënjejnë”.

Pas kësaj Policia e  Shkodrës ka arrestuar mësuesen Emine Alushi.

Drejtoria e Medresesë Shkodër është distancuar nga deklaratat e mësueses.

“Distancohemi nga deklaratat e transmetuara në video. Ajo çka thotë mësuesja është e kundërt me atë që ofron shkolla. Subjekti i kësaj videoje nuk përfaqëson linjën zyrtare të medresesë”, thuhet në njoftimin e drejtorisë së shkollës.

Argumenti i përdorur nga Drejtoria e Shkollës është se “ajo çfarë ka thënë mësuesja, subjekt i kësaj videoje nuk përfaqëson linjën zyrtare të Medresesë si Institucion Arsimor i KMSH dhe është krejtësisht e kundërt me atë çfarë ofron dhe synon shkolla jonë në procesin edukativ”.

Medreseja është institucion i Shërbimit arsimor para-universitar dhe vepron në bazë të legjislacionit shqiptar dhe filozofisë së KMSH.

/Veritas.com.al/