Është nënshkruar marrëveshja mes Kosovës dhe Serbisë për hekurudhën dhe autostradën që lidh dy shtetet.

Kjo është bërë nën prezencën e ambasadorit amerikan Richard Grenell dhe presidentëve të dy shteteve Hashim Thaçi dhe Aleksandër Vuçiq.

Në ceremoninë e nënshkrimit ka marrë pjesë edhe ambasadori Philip Kosnett dhe Drejtori i të Zyrës Serbe për Kosovën Marko Gjuriq.

Pas nënshkrimit të marrëveshjes mes Kosovës dhe Serbisë për hekurudhën dhe autostradën që lidh dy shtetet, ka reaguar presidenti Hashim Thaçi.

Përmes një postimi në Twitter, Thaçi shkruan:

“Një tjetër moment historik! Së pari, marrëveshja për trafikun ajror dhe sot kemi nënshkruar marrëveshjen për hekurudhat dhe autostradat mes Kosovës dhe Serbisë. Faleminderit Donald Trump për udhëheqjen tuaj, dhe Richard Grenell për vendosmërinë. Një hap i shkëlqyeshëm drejt arritjes së një marrëveshjeje përfundimtare paqeje midis dy vendeve.”

VERITAS.COM.AL/