Eitan Singer, një baba 50 vjeçar izraelit i tre fëmijëve që jeton në veri të Tel Aviv, ka folur për BBC për situatën në terren atje:

“Ne menduam se po ktheheshim në një rutinë pas Covid. Ne ishim me dritë jeshile. Dhe tani ndodh kjo.

Po vuajmë. Ne marrim kërcënime të zakonshme nga Gaza, por tani shumë qytete në Izrael me arabë dhe hebrenj, papritmas kanë gjithashtu shumë telashe.

Kjo situatë është shumë më shqetësuese se çdo gjë që kam parë gjatë 50 viteve të jetës sime. Eshtë një kërcënim i dyfishtë, sepse kemi kërcënime nga jashtë Izraelit dhe nga brenda Izraelit.

Jeta brenda Izraelit është e rrezikshme. Unë isha në një restorant të martën në mbrëmje. Papritmas, fishekzjarrët filluan nëpër qiell – ata po hidhnin raketa kudo. Dukej sikur 200 raketa njëkohësisht. Sirenat kishin mbaruar. Njerëzit ishin shtrirë në tokë, poshtë pemëve. Sapo ndodhi, kaq papritur dhe me një vëllim të lartë. Fëmijët qanin. Kjo është e pabesueshme në vitin 2021.

Unë kam tre fëmijë. Vajza ime e vogël është shumë e frikësuar. Po ngrihemi natën dhe e kemi të vështirë të rikthehemi në gjumë. Nuk ka shkollë për fëmijët. Kjo po vjen pas një viti qëndrimi në shtëpi për shkak të Covid “.