Kryeredaktori i gazetës më të madhe në Poloni ka apeluar para Bashkimit Europian (BE) për të kërkuar fonde që ta mbajë në qarkullim gazetën e tij. Kryeredaktori thotë se qeveria e djathtë populiste që fitoi zgjedhjet në Poloni e ka pritur ftohtë. Tani numri i përditshëm i gazetës po rrëshqet në rënie të lirë.

Përveç kësaj, rënia e shpejtë e numrit të lexuesve, sipas Roman Imielski, kryeredaktor i versionit on-line të gazetës “Gazeta Wyborcza”- që është mbështetur nga fondet e George Soros, u shfaq sfidues kur foli këtë javë në Euractiv duke fajësuar qeverinë pse po bie gazeta e tij.

“Ne kemi dy probleme- tha ai.- Problemi i parë janë paratë, sepse qeveria ka ndaluar publikimin e reklamave në gazetë. Problemi i dytë është problemi i eksesit, sepse qeveria dhe partia që ka fituar zgjedhjet nuk flasin më me gazetarët”.

Ai shtoi: “Ne jemi gazeta më e madhe në Poloni, dhe ne duhet të kemi të drejtën të pyesin presidentin, kryeministrin dhe anëtarë të tjerë të qeverisë”.

Kryeredaktori shtoi:

“Problemi kryesor social mbetet Facebook: ata kanë më shumë se 13 milion përdorues, ndërsa ne kemi rreth 5 milionë vizitorë. Përditë e më shumë shtohen njerëzit në Poloni që nuk lexojnë gazeta dhe nuk shikojnë Televizion. I vetmi burim informacioni për ta rreth politikës Polake dhe botërore,  është media sociale”.

“Zgjedhjet e fundit  presidenciale dhe parlamentare në Poloni u fituan qartazi nga populistët, sepse liberalët që ishin në pushtet bënë shumë premtime dhe nuk i mbajtën.

/Veritas.com.al/