Fatmir Mediu, Dashamir Shehi dhe Agron Duka

Teksa opozita ka marrë dakordësinë për të propozuar emrat e kandidatëve për president në raundin e dytë dhe të tretë, Grupi parlamentar “Aleanca për Ndryshim” do të propozojë në diskutimet mes grupeve opozitare emrin e Dashamir Shehit si kandidat për president.

Fatmir Mediu dhe Agron Duka e konfirmojnë këtë propozim për Report Tv, të cilët thonë se do t’ia vendosin nesër në tryezë Enkelejd Alibeajt me të cilin pritet të ulen për të dakordësuar emrat që do t’i çojnë kuvendit për votim të hënën.