Sipas EMSC-së, magnituda e tërmetit ishte 3.9 e shkallës Rihter. Me epiqendër 22 kilometra në verilindje të Tiranës, lëkundjet janë ndjerë në Krujë, Durrës, Elbasan, Laç dhe zona të tjera përreth.

Por rastësia e frikshme është se para dy vitesh, në të njëjtën orë dhe datë një tërmet i fuqishëm me magnitudë 5,8 ka goditur kryeqytetin dhe qytete të tjera të vendit. Tërmeti ka zgjatur për disa sekonda dhe lëkundjet kanë qenë tepër të forta. Epiqendra ka qenë në detin Adriatik, pak kilometra nga Durrësi.