Sado që Ballkani duket ‘i qetë’ dhe “moçal” i pa lëvizshëm, në fakt diçka po lëviz. Aq sa flitet për luftëra etnike, për luftëra të klaneve të drogës dhe ndërhyrje Ruse, po aq është edhe pakënaqësia ndaj qeverive dhe ndërhyrja e Soros.

Sinjalet e para jepen në Shkup, Maqedoni.

Në Maqedoni situata nuk duket e qetë. Kryeministri Zoran Zaev për të disatën herë paralajmërohet dhe kërcënohet përmes rrjeteve sociale edhe atë me likuidim fizik në rast se ky i fundit ndryshon kushtetutën për emrin.

Kërcënimi i fundit sipas portalit ‘Maktel’, vjen nga një profil në rrjetin social që mbanë emrin e organizatës nacionaliste maqedonase “Tvërdokorni”, të cilët sërish e kanë paralajmëruar Zaevin, transmeton Zhurnal.

“Dëgjuam lajme se Z.Z do të ndryshojë kushtetutën. E po Z.Z ndryshoje kushtetutën dhe ligjet por do të ndryshojmë dhe ty dhe nënshkrimin tënd. Durimit po i vjen fundi”, shkruhet në porosinë drejtuar kryeministrit Zoran Zaev.

MPB në dy raste më parë ka ngritur procedura hetimore lidhur me kërcënimet ndaj Kryeministrit dhe funksionarëve tjerë shtetëror.

“Tvërdokorni” ishte organizata që mori  pjesë në natën e përgjakshme të 27 prillit të vitit të kaluar, ku si qëllim patën linçimin e Kryeministrit Zaev dhe Liderit të Aleancës për Shqiptarët, Ziadin Sela.

Ndërkohë Zaev është në bisedime me homologun grek Tsipras për gjetjen e një emri për shtetin maqedonas, në mënyrë që Athina të japë viston për në BE dhe NATO për Maqedoninë.

Veritas.com.al/