UASHINGTON – Presidenti Trump iu nënshtrua një lloj “tele-vizite” në Fox News të Premten në mbrëmje, intervista e tij e parë para kamerave që kur u shtrua në spital me koronavirus dhe pranoi se ai “nuk ndihej ashtu si duhet të ndihej Presidenti i Shteteve të Bashkuara. ”
Komandanti i Përgjithshëm u ndje i shqetësuar për përvojën e tij me virusin gjatë një regjistrimi per “ekzaminimin mjekësor” me Dr. Mark Siegel, një kontribues i Fox News.
“Cilat ishin dy simptomat tuaja më të spikatura?” pyeti presidentin Siegel.
“Unë nuk ndjehesha i fortë, me të vërtetë nuk u ndjeva i fortë. Unë nuk kam pasur problem me frymëmarrjen, të cilën shumë njerëz e kanë, nuk kam pasur një problem me këtë, ”tha Trump për shtrimin në spital në Qendrën Kombëtare Mjekësore Ushtarake Walter Reed.
“Por unë nuk u ndjeva shumë i fortë, nuk u ndjeva shumë vital siç duhet të ndihej Presidenti i Shteteve të Bashkuara”, vazhdoi ai.
Ishte intervista e parë televizive e presidentit që kur u diagnostikua me COVID-19 saktësisht një javë më parë.
Trump foli për herë të parë në detaje intime për qëndrimin e tij katër-ditor në Walter Reed dhe përshkroi se kishte një “dhimbje të fytit” dhe ndjehej i lodhur. Ai kreditoi veprimin e hershëm si shërimin e tij të shpejtë.
Komandanti i përgjithshëm tha që ai nuk po merrte më asnjë ilaç pasi u trajtua me një koktej eksperimental ilaçesh si Regeneron të cilat nuk janë miratuar ende për përdorim të gjerë, por u zotua t’i vinte në dispozicion të popullit Amerikan.
Siegel vuri theksin në skanerin e mushkërive të tij të kryera nga mjekët – rezultatet e të cilave nuk janë publikuar kurrë.
“Ata testuan mushkëritë”, tha Trump. Ata i testuan mushkëritë. Ata kanë pajisje të pabesueshme në Walter Reed. Në fakt ata thanë: ‘Jo, mund ta mbash xhaketën.’ Unë i thashë: ‘Sidoqoftë do ta heq, nëse dëshironi.’
“Fillimisht kishte pak konxhestion por në fund shkoi gjithçka mirë dhe çdo ditë bëhej më mirë,” vazhdoi ai, pa hyrë në detaje të mëtejshme.
Të enjten në mbrëmje, mjeku i Shtëpisë së Bardhë, Dr. Sean Conley tha se presidenti kishte përfunduar trajtimin e tij dhe e autorizoi atë që të kthehej në detyrat e tij publike.
Komandanti i përgjithshëm, i etur për t’u rikthyer në gjurmët e fushatës, që nga ajo kohë ka njoftuar një fjalim “të rendit dhe ligjit” para një turme në Shtëpinë e Bardhë në South Lawn dhe një tubim rikthimi në Florida.
Siegel,64 vjeç, është profesor i asociuar i mjekësisë në Qendrën Mjekësore NYU Langone dhe nuk e trajtoi presidentin gjatë gjithë sprovës së tij të koronavirusit.
Mjeku, i cili është një kontributor mjekësor i Fox News, është kritikuar gjithashtu për vërejtjet e tij mbi pandeminë pasi ai pretendoi në mars se nuk kishte “asnjë arsye për të besuar se është në të vërtetë më problematike ose vdekjeprurëse se gripi”.
Siegel gjithashtu e quajti Organizatën Botërore të Shëndetësisë – një organ i OKB,kur e dënoi që nuk arriti të godasë origjinën e murtajës në Wuhan, Kinë – një bandë “alarmistësh” dhe “llafazanë zhurmues”.
Siegel pyeti Trumpin se ku mendonte se ishte infektuar me virusin pas një jave udhëtimi nëpër vend. Më herët të premten, Dr. Anthony Fauci, kreu i task forcës të qeverisë për koronavirusin e quajti konfirmimin ne Rose Garden të Amy Coney Barrett si e nominuara e Trump per Gjykatën Supreme si një “event super përhapës”.
“Patëm disa evente të mëdha në Shtëpinë e Bardhë. Nuk jam i sigurt ”, tha presidenti.
VERITAS.COM.AL/
75 470 
