Charlie Gard, bebi që u vu në qendër të një sërë manovrimesh ligjore për shkak të kërkesës për trajtim mjekësor, ka vdekur sot. Njoftimin e dha një zëdhënës i familjes.

Vogëlushi 11 muajsh u dërgua në një strehë pas vendimit të Gjykatës së Lartë. para dy javësh Kongresi Amerikan i hapi rrugë lejes së tij dhe prindërve për të qëndruar në Amerikë për trajtim mjekësor.

Por ishte shumë vonë.

Charlie vuante nga një sëmundje ekstremisht e rrallë gjenetike që shkaktonte dëmtim progresiv të trurit dhe dobësim të muskujve.

Prindërit e tij, Connie Yates dhe Chris Gard, bënë një beteje ligjore të gjatë me ‘Great Ormond Street Hospital’ (GOSH) që ta lejonte fëmijën  për t’u dërguar për trajtim në Shtetet e Bashkuara.

Por të Hënën e kësaj jave ata i hodhën armët e kësaj beteje pasi Prof Michio Hirano, neorolog Amerikan, i cili ishte ofruar që ta trajtonte , tha se ishte shumë vonë për këtë punë.

Papa Francesku shkroi në Twitter: “Ia besoj Zotit vogëlushin Charlei dhe lutem për prindërit e tij”

Zëvendës presidenti i Shteteve të Bashkuara, Mike Pence, shkroi në Twittter: “Me trishtim mësova për vdekjen e Charlei. Karen dhe unë përulemi me lutje dhe ngushëllime te prindërit e tij të dashur gjatë kësa periudhe kaq të vështirë”

Veritas.com.al/