-Biden thotë se “Rruga përpara është të njohësh të vërtetën dhe të jetosh sipas saj”-

 

Presidenti Biden pritet të shënjestrojë ish-presidentin Donald Trump në fjalimin e tij me rastin e një viti nga trazirat e 6 janarit në Capitol dhe është i vendosur të sfidojë amerikanët duke thënë se “ne duhet të vendosim se çfarë lloj kombi do të jemi”.

Presidenti do të bëjë komente të enjten në mëngjes nga selia e  Kongresit të SHBA.

Biden, në komentet e përgatitura të siguruara nga Fox News, do të pyesë amerikanët nëse Shtetet e Bashkuara “do të jenë një komb që pranon dhunën politike si normë?”

“A do të jemi një komb ku do të lejojmë zyrtarët partiakë zgjedhorë të përmbysin vullnetin e shprehur ligjërisht të popullit?”. Biden është i vendosur të pyesë: “A do të jemi ne një komb që nuk jeton nën dritën e së vërtetës, por nën hijen e gënjeshtrës?”

“Ne nuk mund ta lejojmë veten të jemi një komb i tillë”, pritet të thotë Biden.

Në një përpjekje për të parë përpara, Biden pritet të thotë se “Rruga përpara është të njohësh të vërtetën dhe të jetosh sipas saj”.

Komente

Lini një Përgjigje

Adresa juaj email s’do të bëhet publike.