I dërguari i Komisionit të Këshillit të Evropës në Shqipëri, Luiggi Soreca, sot ka njoftuar mbi hapat që do të ndjekë BE për shërimin e plagëve të tërmetit në Shqipëri.

Ai tha se ekipet e Bashkimit Evropian nuk do të largohen nga vendi deri në përfundimin e punimeve.

Por sipas tij gjithë misioni ndahet në tre faza:

“Janë tre faza, së pari kërkim shpëtimi që ka përfunduar, së dyti vlerësimi i dëmeve që bëhet me ndihmën e vendeve të BE-së, kjo do të vijojë për disa ditë, është një fazë shumë e rëndësishme”, kështu tha ambasadori Soreca përsa i takon ndihmës që Be do i ofrojë konkretisht Shqipërisë.

“Kjo do të ofrojë siguri popullit shqiptar, ata do ta dinë nëse banesa e tyre është e sigurt. Faza e tretë është vlerësimi pas katastrofës, deri te mbështetja financiare dhe ndërtimi. BE është gati të drejtojë.

Ata janë treguar gati për të mbështetur qeverinë për të rindërtuar ato zona që janë prekur, por edhe organizata ndërkombëtare të OKB-së. Tani jemi në mes të fazës së dytë, kur kjo të përfundojë, faza e tretë do të nisë. Komisioneri do të flasë me autoritetet shqiptare” tha Soreca.

Veritas.com.al/