![](https://veritas.com.al/wp-content/uploads/2023/09/600-400-1683287357xpolicia-tirane-2-526-1.png)
Gjashtë persona janë arrestuar në Tiranë për vepra të ndryshme penale.
Një 63-vjeçar u vu në pranga pasi drejtuar kamionin në rrugën dytësore Tiranë-Vorë, ka aksidentuar një person që po qarkullonte me biçikletë, i cili ndodhet në spital, në kujdesin e mjekëve.
Po një 29-vjeçar u arrestua pasi duke drejtuar motomjetin, pa leje drejtimi, ka aksidentuar një shtetas i cili mori mjekim dhe ndodhet jashtë rrezikut për jetën.
![](https://secure-ds.serving-sys.com/BurstingCachedScripts//Res/blank_1X1.gif)
Në një tjetër aksident, në Rrugën e Balshajve, automjeti i drejtuar nga një 24-vjeçar, në gjendje të dehur, u përplas me një tjetër automjet dhe i riu u vu në pranga.
Ndërkaq, një tjetër 24-vjeçar u arrestua, pasi u kap duke drejtuar automjetin, në gjendje të dehur, dhe gjatë kontrollit fizik, shërbimet e Policisë i gjetën një sasi lënde të dyshuar narkotike kokainë
Specialistët për Hetimin e Krimeve të Komisariatit të Policisë Nr. 4 arrestuan një 61 vjeçar, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit Nr. 7 vunë në pranga një 54-vjeçar, pasi është kapur duke drejtuar automjetin, në gjendje të dehur, si dhe gjatë kontrollit në automjet, shërbimet e Policisë i gjetën një mjet prerës