Komisioni i Pavarur i Kualifikimit publikoi vendimin ku transkriptohen arsyet se përse u ndërpre procesi i Vettingut ndaj ish-Prokurorit të Përgjithshëm Adriatik Llalla.

Duke e konsideruar dorëheqjen si të vetmen mënyrë të ndërprerjes së Vettingut, KPK shton se juristi Adriatik Llalla për 15 vitet e ardhshme humbet të drejtën për të qenë pjesë e sistemit të drejtësisë.

Konkretisht, Adriatik Llalla nuk mund të emërohet me gjyqtar apo prokuror i çdo niveli, anëtar i Këshillit të Lartë Gjyqësor, anëtar i KLP apo inspektor i lartë i drejtësisë.

Dorëheqja e Adriatik Llallës nga e drejta për t’u emëruar gjyqtar në gjykatë apeli, siç parashikon ligji për një ish-prokuror të përgjithshëm, solli reagimin e menjëhershëm të ambasadorit amerikan, i cili në një postim në “Twitter” kujtoi se askush nuk mund t’i shpëtojë drejtësisë.

Veritas.com.al/