Çekia udhëheq presidencën e bllokut europian dhe ka përpiluar tekstin e vendimit që është miratuar nga ambasadorë te BE-së. Sipas vendimit, liberalizimi i vizave do të vlejë vetëm për ata që kanë pasaporta biometrike, në përputhje me standardet ndërkombëtare të udhëtimit.

“Pa paragjykuar qëndrimet e vendeve anëtare ndaj statusit të Kosovës – në periudhën deri te nisja efektive e liberalizimit të vizave, dhe ku do të jetë i zbatueshëm vendimi – Kosova duhet të synojë të arrijë marrëveshje për riatdhesim me ato vende të BE-së, me të cilat nuk ika”. Diçka e tillë kërkohet për t’iu mundësuar vendeve anëtare të BE-së që të mund të dëbojnë nga territori i tyre qytetarët e Kosovës, në rast se ata keqpërdorin liberalizimine vizave duke qëndruar ilegalisht, apo nëse kërkojnë azil pa pasur bazë. Kosovës, po ashtu, i kërkohet të vazhdojë të përshtatë politikën e saj të vizave me atë të BE-së, ndërkohë që i mbetet të kalojë edhe nëpër disa procedura të tjera që i kërkojnë vendet anëtare. Pas pajtimit të ambasadorëve vendimi hidhet për votim në komisionin përkatës të Parlamentit Europian, e pastaj edhe në seancë plenare. Pas kësaj ministrat e vendeve anëtare në Këshillin Europian duhet ta konfirmojnë vendimin duke i hapur kështu rrugën botimit të vendimit në gazetën zyrtare të Bashkimit Evropian.