Reuters, 7 Mars 2020

DUBAI (Reuters) – Arabia Saudite ka arrestuar dy anëtarë të larte të familjes mbretërore saudite – Princin Ahmed bin Abdulaziz, vëllai më i vogel i mbretit Salman, dhe Mohamed bin Nayef, nipi i mbretit- thanë dy burime me njohuri për këtë çështje.

Princi i Kurorës, Mohamed bin Salman, djali i mbretit Salman dhe sundimtari de fakto i eksportuesit më të lartë në botë të naftës dhe aleati kryesor i SHBA, ka lëvizur për të konsoliduar pushtetin që prej rrëzimit të kushëririt të tij, Mohamed bin Nayef, si trashëgimtar i fronit në një grusht shteti pallati në 2017.Ai arrestoi disa anëtarë të familjes mbretërore në një fushatë anti-korrupsion më vonë atë vit.

Një burim tha se arrestimet ndodhën të Premten. Reuters nuk mundi të përcaktojë menjëherë arsyet e ndalimit.

Wall Street Journal raportoi arrestimet e dy mbretërve më herët të Premten, dhe tha se ato lidheshin me një përpjekje të pretenduar për grusht shteti.

Zyrtarët sauditë nuk mund të arriheshin menjëherë për te dhënë komente, herët të Shtunën. Zyra e mediave të qeverisë Saudite nuk iu përgjigj menjëherë një kërkese të Reuters për koment.

Princi Mohammed ka nxitur pakënaqësi midis disa degëve të shquara të familjes në pushtet duke shtrënguar kontrollin e tij mbi pushtetin dhe disa pyesin për aftësinë e tij për të udhëhequr pas vrasjes së vitit 2018 të një gazetari të shquar nga agjentët Sauditë dhe sulmin më të madh ndonjëherë në infrastrukturën e naftës Saudite vitin e kaluar, kanë thënë burimet.

Ata thanë se mbretërit kërkonin të ndryshonin vijën e pasardhjes së Princit Ahmed, të vetmit vëlla të vërtetë të mbretit Salman, si një zgjedhje e mundshme që do të kishte mbështetjen e anëtarëve të familjes, aparatit të sigurisë dhe disa fuqive Perëndimore.

Insajderët Sauditë dhe diplomatët Perëndimorë thonë se familja nuk ka gjasa të kundërshtojë princin e kurorës ndërsa mbreti 84-vjeçar eshte gjallë, duke pranuar se mbreti nuk ka gjasa të kthehet kundër djalit të tij të preferuar. Monarku i ka deleguar më së shumti përgjegjësitë e sundimit birit të tij, por prapë kryeson mbledhjet javore të kabinetit dhe pret personalitete të huaja.

Princi Ahmed ka mbajtur kryesisht një profil të ulët që nga kthimi në Riad në tetor 2018 pas 2-1 / 2 muaj jashtë. Gjatë udhëtimit, ai u shfaq për të kritikuar udhëheqjen Saudite ndërsa u përgjigjej protestuesve jashtë një rezidence në Londër duke brohoritur për rrëzimin e dinastisë Al Saud.

Ai ishte një nga vetëm tre personat në Këshillin e Aleancës, i përbërë nga anëtarët e moshuar të familjes në pushtet, të cilët kundërshtuan që Mohamed bin Salman të bëhej princi i kurorës në 2017, thanë burimet më herët.

Lëvizjet e Mohamed bin Nayef janë kufizuar dhe monitoruar që atëherë, kanë thënë burimet më parë.

Arrestimet e fundit vijnë në një kohë të tensionit të shtuar me rivalin rajonal Iranin dhe kur Princi i Kurorës Mohamed zbaton reforma ambicioze sociale dhe ekonomike, duke përfshirë një ofertë fillestare publike nga gjigandi i naftës Saudite Aramco në bursën e brendshme dhjetorin e kaluar. Arabia Saudite është gjithashtu kryetari aktual për Grupin e 20 ekonomive me te medha.

Princi Mohamed është lavdëruar në vend për lehtësimin e kufizimeve sociale në mbretërinë Muslimane dhe hapjen e ekonomisë. Por ai ka qenë nën kritika ndërkombëtare për një luftë devastante në Jemen, vrasjen e gazetarit Jamal Khashoggi në konsullatën e mbretërisë në Stamboll dhe ndalimin e aktivistëve për të drejtat e grave që shihen si pjesë e një sulmi ndaj disidencës.

Veritas.com.al