(Foto nga: DANIEL LEAL-OLIVAS/AFP via Getty Images).

Nga: OLIVER JJ LANE, BREITBART NEWS

Qendrat e votimit u hapën  ne 07.00 te orës lokale për zgjedhjet e përgjithshme Britanike 2019,në ato që premtohen të jenë një ditë pike referimi në historinë e vendit dhe të procesit të Brexit.

Votuesit në 650 kolegjet elektorale te Mbretërisë së Bashkuar do votojnë sot për të zgjedhur një Parlament të ri, nga i cili mund të lindë një qeveri e re. Për shkak se Britania nuk zgjedh drejtpërdrejt kreun e saj të qeverisë, siç bëjnë vendet me një sistem presidencial, një qeveri është formuar këtu nga partia politike që është ne gjendje të komandojë mbështetjen e Dhomës së Ulet.

Ligji elektoral Britanik i ndalon gazetarët të diskutojnë mbi gjendjen e votimit në ditën e zgjedhjeve, por qartësisht partitë kryesore vazhdojnë të aspirojnë se marrin shumicën absolute, pavarësisht rezultateve të fundit të zgjedhjeve.

Votimet u hapën në orën 07.00 të mëngjesit të së enjtes dhe do të qëndrojnë të hapura deri në orën 22.00 të mbrëmjes së të enjtes, kur kutitë e votimit do të vulosen dhe dërgohen në qendrat lokale të numërimit. Kjo është edhe koha kur hiqen kufizimet e përgjithshme të raportimit të zgjedhjeve, dhe i ashtuquajturi ‘exit poll’ – një përpjekje për të vlerësuar rezultatin e zgjedhjeve të mbledhura duke pyetur njerëzit se si votuan në të gjithë vendin ndërsa largohen nga vendvotimet – është publikuar.

Qyteti i Sunderland ka qenë tradicionalisht i pari që ka shpallur rezultatin e tij dhe krenohet me shpejtësinë e numërimit, në disa raste i afte të deklarojë anëtarin e tij të parlamentit brenda një ore nga mbyllja e kutive  të votimit. Sidoqoftë, zona të tjera, përfshirë zonat e largëta të Skocisë ku kutitë e votimit duhet të sillen në kontinent me anije, shpesh nuk deklarohen deri vonë në mëngjes të Premten.

Megjithatë, pavarësisht kësaj, ky do të jetë votimi i pestë kombëtar në pesë vjet kalendarike – dhe i katërti i dominuar nga Brexit. Nëse kjo do të jetë zgjedhja e fundit e Brexit apo jo, varet nga votimet dhe muajt dhe vitet e ardhshme.

VERITAS.COM.AL/