Dokumentet e Agjencisë Evropiane të Barnave për vaksinën Pfizer / BioNTech janë hakuar nga sulmuesit kibernetikë.
“Sot, ne u informuam nga Agjencia Evropiane e Barnave (EMA) se agjencia ka qenë subjekt i një sulmi kibernetik dhe se disa dokumente në lidhje me paraqitjen rregullatore për vaksinën kandidate te Pfizer dhe BioNTech për COVID-19, BNT162b2,që ishte ruajtur në një server EMA, ishte aksesuar në mënyrë të paligjshme, ”zbuloi BioNTech në një deklaratë të botuar në faqen e saj të internetit.
Kompania gjermane e bioteknologjisë, më parë e njohur për punën e saj pioniere në imunoterapinë e kancerit, theksoi se “asnjë sistem BioNTech ose Pfizer” nuk eshte përdorur gjatë hakerimit, duke sugjeruar se ishte rregullatori i Bashkimit Evropian, siguria e të cilit dështoi.
Ata shtuan se nuk ishin “në dijeni” për ndonjë nga pjesëmarrësit e tyre të studimit që identifikoheshin si rezultat i shkeljes dhe se ata po presin “informacione të mëtejshme në lidhje me hetimin e EMA dhe do të përgjigjen në mënyrë të përshtatshme dhe në përputhje me ligjin e BE”.
“Fokusi ynë mbetet i palëkundur për të punuar në partneritet të ngushtë me qeveritë dhe rregullatorët për të sjellë vaksinën tonë COVID-19 për njerëzit në të gjithë globin në mënyrë sa më të sigurt dhe sa më efikase të jetë e mundur për të ndihmuar në dhënien fund të kësaj pandemie shkatërruese”, përfunduan ata.
Agjencia Rregullatore e Barnave dhe Produkteve Shëndetësore (MHRA) ka këshilluar që profilaksia e koronavirusit nuk duhet të administrohet tek njerëzit me një “histori të një reagimi të rëndësishëm” ndaj ilaçeve, ushqimeve ose vaksinave, pasi dy punëtorë të Shërbimit Shëndetësor Kombëtar (NHS) treguan simptoma të një “reaksioni anafilaktoid” menjëherë pasi është injektuar.
Rregullatori tani ka këshilluar që “pajisjet e reanimacionit” duhet të jenë të pranishme në të gjitha vendet e vaksinimit, dhe vaksinimet të mos kryhen nëse ato nuk janë të disponueshme.
Në lidhje me hakerimin, NCSC tha se ishte “duke punuar me partnerë ndërkombëtarë për të kuptuar ndikimin e këtij incidenti që ndikon në rregullatorin e mjekësisë të BE-së, por aktualisht nuk ka asnjë provë që sugjeron që rregullatori i mjekësisë i MB është prekur”.
Sipas BBC, nuk është “e qartë” nëse sulmuesit kibernetikë gjithashtu kanë hakeruar dokumentet e EMA-s për vaksinën Moderna.
Kina, Irani dhe Rusia janë akuzuar të gjithë për përdorimin e hakerave ndaj kërkimeve për vaksinën e koronavirusit nga qeveritë Perëndimore.
VERITAS.COM.AL
75 373 
