Kryeministri Edi Rama ka ndenjur gjatë në Dibër, ku është takuar me banorë, fermerë dhe qytetarët, duke iu kërkuar votën. Por situatën më të vështirë duket se e ka pasur me një burrw nw moshw, i cili sipas rrëfimit të vetë kryeministrit është denbabaden i djathtë.

Në një tavolinë plot me burra, Rama i është drejtuar votuesit tw djathtw  duke i thënë se e di se për kë do votojë. Por ai e ka kundërshtuar dhe më pas i ka dhënë besën kryeministrit, i cili e ka falënderuar me një puthje.

“Një i djathtë denbabaden që më rraskapiti sa të gjithë intervistuesit bashkë në një vit”, thotë Rama në përshkrimin e videos.

DIALOGU:

Rama: Unë që sot e di kujt do ja japësh votën ti.

Dibrani: A…ku e di?

Rama: S’ta them!

Votuesi: Do ta jap ty.

Rama: Jo nuk ma jep mua ti votën.

Votuesi: Kush tha?

Rama: Ta them unë.

Votuesi: A të jap besën që ta jap?

Rama: Mos më vër në pozitë mua.

Votuesi: E jo, jo mos luj pra…

Rama: Hajde ma jep!

(Votuesi tërheq dorën)

Rama: E sheh nuk ma jep.

Votuesi: Ta jap pra…

Rama: A do ma japësh?

Votuesi: Po për Zotin!

Rama: A bravo, hajde të puth i çik.

Rama: Ta mora votën…