Sekretari i ri i Shtetit për Punët e jashtme në Britani, Jeremy Hunt i cili zëvendësoi Boris Johnson që dha dorëheqjen para pak ditësh, ndodhet për një vizitë zyrtare në Kinë- por ka bërë një gafë që ka pushtuar titujt e faqeve të parë të medias.

Zoti Hunt u përpoq që të hynte në librin më të  mirë të mikpritjes duke përmendur se gruaja e tij është kineze, por në vend që të thoshte ‘kineze’, tha ‘japoneze’.

Ai menjëherë ee korrigjoi atë që tha vetë, por të gjithë pjesëmarrësit në takim qeshën.

Gafa e Sekretarit të Punëve të Jashtme ka marrë të gjitha faqet e para të medias, ndërsa vetë zoti Hunt tha se “ky që bëra është një gabim i tmerrshëm”.

Lucia Guo ka lindur në Xian, pjesë qendrore e Kinës. Ajo dhe zoti Hunt u njohën në vitin 2008, kur ajo punonte  në Universitetin Warwick. Ata kanë tre fëmijë.

Gafa e Hunt i kaloi kufijtë familjar kur dikush ngatërron vendlindjen e gruas së tij. Gafa po përflitet si një incident, aq më tepër që Kinë dhe Japoni janë dy rivalë të hidhët.

Duke ngatërruar Kinën me një vend tjetër, është shumë e gabuar, aq më tepër nëse je duke u përpjekur të marrësh favore nga qeveria e Kinës.

Por në çdo rast që ngatërrohen shtetet me njëri tjetrin, ngatërresa mes Kinës dhe Japonisë është më e keqja.

 Veritas.com.al/