Mediat shtetërore të Koresë së Veriut cituan diktatorin Kim Jong-un të premten duke i shprehur Presidentit rus Vladimir Putin frustrimin e tij me Presidentin Donald Trump, duke pretenduar se Amerika veproi “në keqbesim” kur Trump iku nga samiti i Kim me presidentin Trump në shkurt.
Kim u takua me Putin për tre orë të enjten, takimi i parë personal në mes të dy udhëheqësve. Burrat pastaj shkëmbyen dhurata luksoze, dhe Putin i ka uruar mirëseardhjen Kimit me një banket nderi dhe dolli.
Putin u tha gazetarëve se ai kishte një takim pozitiv me Kim dhe deklaroi se ai nuk besonte se progresi i dhënies fund të programit bërthamor të Koresë së Veriut ishte i mundur pa lehtësuar sanksionet mbi regjimin.
Koreja e Veriut aktualisht është nën programin më të rreptë të sanksioneve ndërkombëtare në histori, një Uashington qe vazhdimisht akuzon Rusinë për shkelje të tij, në përgjigje të zhvillimit të paligjshëm të armëve te saj bërthamore dhe lëshimeve të përsëritura të raketave tek fqinjët paqësorë si Japonia dhe Koreja e Jugut. Shteti komunist ka dekada me radhë që pretendon një interes për çarmatimin bërthamor në shkëmbim të dhënies fund të sanksioneve, por është kthyer ti zhvilloje ato në shumë raste mbasi presidentët e SHBA ranë dakord ti heqin sanksionet.
Trump ka theksuar se ai nuk do të mbështesë heqjen e sanksioneve derisa Koreja e Veriut në mënyrë absolute të provojë se programi i saj bërthamor nuk ekziston më.
Qëndrimi i Trump ishte fokusi i bisedës midis Kim dhe Putin, tha Ministria e Jashtme e Koresë së Veriut në një deklaratë të premten.
“Kim Jong Un tha se situata në gadishullin Korean dhe rajon është tani në një vendnumëro dhe ka arritur një pikë kritike ku mund të kthehet në gjendjen e saj te origjinës, pasi SHBA-ja ka marre një qëndrim të njëanshëm në keqbesim në bisedimet gjate samitit te dyte te radhës RPDK- SHBA “, tha Ministria, dhe shtoi se paqja dhe siguria në gadishullin Korean do të varet tërësisht nga qëndrimi i ardhshëm i SHBA-së dhe RPDK-ja do të përgatisë veten për çdo situatë të mundshme”.
Kim thuhet se ka shtuar se ai beson se Rusia do të jetë një aleat kyç në zgjidhjen e situatës në favor të tij.
“Kim Jong Un tha se ishte shumë i kënaqur që vizitonte Rusinë, vendin fqinj mikpritës, me ftesë të Presidentit Putin,” thuhet, “dhe se takimi u bë një okazion veçanërisht i rëndësishëm në riafirmimin e prirjes së pandryshueshme të historisë në marrëdhëniet RPDK-Rusi dhe zhvillimin e mëtejshëm të marrëdhënieve miqësore mes dy vendeve në një mënyrë më solide dhe progresive “.
Të dy thuhet se “ranë dakord që më shumë të forcojnë mirëkuptimin reciprok dhe lidhjet dhe të rrisin bashkëpunimin strategjik për të siguruar paqen dhe sigurinë rajonale në të ardhmen”, sipas Koreanëve të Veriut.
Agjencia qendrore e lajmeve të regjimit të Koresë (KCNA), e vetmja agjenci ligjore e lajmeve në Korenë e Veriut, përshkroi bisedimet midis Kim dhe Putin si “shteruese” dhe te karakterizuara nga “opsione të sinqerta dhe të ndershme”.
Agjencia gjithashtu ngriti ne qiell banketin duke shprehur se Kim “u ngazëllye që populli vëllazëror rus po arrin sukses të jashtëzakonshëm në përpjekjet e tij për të ndërtuar një vend të fuqishëm dhe të begatë” gjatë dollisë se tij.
Kim është takuar me Trump në dy raste. Në te parin,qe u zhvilluar vitin e kaluar në Singapor, të dy nënshkruan një deklaratë në të cilën Koreja e Veriut ra dakord të “punojë drejt denuklearizimit të plotë të gadishullit Korean.” Kim nuk ra dakord me ndonjë specifikim, megjithatë, të dy palët planifikuan një Samit të dytë.
Mediat shtetërore të Koresë së Veriut shprehën optimizëm lidhur me takimin e dytë në Vietnam, duke parashikuar një “përparim të madh”. Në vend të kësaj, takimi u mbyll papritmas kur Presidenti Trump u largua, duke u thënë gazetarëve se Kim dhe negociatorët e tij ishin shumë të papërputhshëm.
“Në thelb, ata donin që sanksionet të hiqeshin në tërësinë e tyre dhe ne nuk mund ta bënim këtë,” tha Trump.
Ministri i Jashtëm i Koresë së Veriut Ri Yong-ho u tha gazetarëve se Trump ishte duke gënjyer dhe se Kim sugjeroi një “propozim realist” në të cilin Trump nuk ishte i interesuar.
Trump qe e la Kimin te bllokuar në Vietnam dukej ta ketë inatosur diktatorin. Ndihmësi i lartë i Moshuar Kim Yong-chol thuhet se humbi punën e tij pas samitit. Katër zyrtarë të lartë, sipas njoftimeve të mediave të Koresë së Jugut, të botuara këtë javë, u ekzekutuan nëpërmjet skuadrës së zjarrit menjëherë pas samitit. Chosun Ilbo, një gazetë konservatore e Koresë së Jugut, raportoi se thashethemet mbi ekzekutimet sugjeruan se Kim bëri që zyrtarët e tjerë të lartë ti shikojnë vrasjet si një paralajmërim.
Asia Press,media që fillimisht raportoi vrasjet, shtoi paralajmërimin se vetë Koreja e Veriut mund ti kishte fabrikuar thashethemet.
Putin është përpjekur të vendoset në ballë të fushatës për të pasuruar regjimin e Kim duke hequr sanksionet pas takimit të tij me Kim. Për këtë qëllim, ai kërkoi rifillimin e bisedimeve shumëpalëshe me Korenë e Veriut për të gjetur një zgjidhje që i pëlqen Pyongyang-ut.
“Nuk jam i sigurt që këto bisedime duhet të rifillojnë ne këtë moment, por jam i bindur se nëse do të arrijmë një fazë ne të cilën nevojitet të zhvillojmë … garancitë e sigurisë për Korenë e Veriut, garancitë ndërkombëtare, do të jenë të nevojshme”, u tha ai gazetarëve pas samitit .
Putin e quajti Kim një “bashkëbisedues interesant dhe substancial” dhe premtoi të jetë “i sinqertë dhe i hapur” mbi marrëdhënien e tij me Kim në Uashington.
Veritas.com.al/
74 316 
