Nga: KARIM SAHIB

Riali iranian ka humbur gati dy të tretat e vlerës së tij që nga fillimi i vitit

Monedha e Iranit eshte shkembyer në një rekord të ri minimal prej 119,000 kundrejt dollarit, të martën, një humbje prej gati dy të tretat e vlerës së saj që nga fillimi i vitit, ndërsa sanksionet e SHBA u profilizuan.

Riali iranian po përplaset në ditët e fundit, ndërsa vendi me ankth pret rifutjen e sanksioneve të plota të SHBA, duke filluar nga 6 gushti.

Ai arriti vlerën 100,000 me dollarin për herë të parë të dielën dhe vazhdoi rënien , duke humbur 18 përqind të vlerës në më pak se dy ditë.

Më 1 janar, dollari ishte vlerësuar me 42,900 rials.

Qeveria ka qenë në krizë, duke zëvendësuar shefin e bankës qendrore javën e kaluar.

Banka qendrore lëshoi një deklaratë të hënën, duke fajësuar luhatshmërinë e monedhës nga komploti i “armiqve” dhe duke premtuar kundërmasa te reja “në ditët e ardhshme”.

Në prill, qeveria u përpoq të rregullonte vlerën e rialit në 42,000, por normat e tregut të zi shpërthyen kur iranianët nxituan tek tregtarët e paligjshëm, duke kërkuar të mbrojnë kursimet e tyre duke blerë dollarë ose duke investuar me shpresën se riali do të vazhdonte të binte .

Me bankat që shpesh refuzojnë të shesin dollarët e tyre me norma artificialisht te ulura,, qeveria u detyrua të zbusë vijën e saj në qershor, duke lejuar më shumë fleksibilitet për grupe të caktuara të importuesve.

Duke njoftuar në maj se po tërhiqej nga marrëveshja bërthamore e vitit 2015, SHBA do të vendosë gamën e plotë të sanksioneve në dy faza më 6 gusht dhe 4 nëntor.

Veritas.com.al/