Novak Gjokoviç, tenisti në renditjen No.1 në botë, ka rezultuar pozitiv për COVID-19. Djokovic u testua të hënën dhe njoftoi testet pozitive të tij dhe gruas së tij në një deklaratë të martën.
Djokovic është kritikuar shumë gjatë disa ditëve të fundit për organizimin e një turneu bamirësie tenisi, Adria Tour, në Kroaci, ndërsa koronavirusi është ende në rritje në të gjithë botën. Adria Tour funksionoi pa maska dhe pa kërkesa për distancim shoqëror, dhe gati 4,000 tifozë morën pjesë në garën serbe të turneut. Lojtarët u panë duke u përqafuar pas ndeshjeve dhe duke dalë jashtë për jetë nate në qytet, të cilat u organizuan nga Djokovic.
Finalja e Adria Tour u anulua të Dielën pasi tre lojtarë – nr. 19 i botes Grigor Dimitrov, nr. 33 Borna Coric dhe ATP pro Viktor Troicki – të gjithë njoftuan se ishin testuar pozitiv për koronavirusin pasi morën pjesë në këtë aktivitet.
Pas anulimit të Adria Tour, organizatorët njoftuan se Djokovic nuk do të testohej për COVID-19 gjatë kohës që ishte në Kroaci, sepse ai nuk kishte shfaqur ndonjë simptomë. Djokovic ishte parë duke luajtur basketboll me Dimitriov gjatë Adria Tour, dhe vetë trajneri i tij i fitnessit, Marco Panichi,u testua pozitiv të hënën.
Pas më shumë kritikave, ekipi i medias të Djokovic njoftoi të hënën se ai do të testohej në vendin e tij në Serbi.
Djokovic ka thënë publikisht se ai është “kundër vaksinimit”. Ai gjithashtu e vuri ne pikëpyetje nëse do të luante në U.S.Open këtë vjeshtë nëse organizatorët e turneut do të miratonin masa sigurie “ekstreme” dhe “të pamundura”per koronavirusin.
VERITAS.COM.AL/
75 427 
