Pas më shumë se 80 vjetësh nga krijimi, marka amerikine Ray Ban është ngjitur në

rangun e syzeve më të shitura në botë. Po ju tregojmë historinë e një prej modeleve të

saj kult: Wayfarer. Taylor Swift mban syze dielli Way Farer të Ray Ban.

Ndonëse mund të duket e pabesueshme, syzet Ray Ban e kanë zanafillën në botën e

ushtrisë amerikane.

Fillesat e krijimit të tyre datojnë në 1927, me kërkesën e një togeri që dëshironte të kishte

syze mbuluese dhe ultra mbrojtëse, të përshtatura për pilotët që verboheshin shpesh nga

drita e fortë me të cilën ndesheshin në lartësi.

Dhjetë vjet më pas, lind marka Ray Ban pasi zyrtarizohet së pari për pilotët gjuajtës të

Forcës Ajrore të SHBAsë.

Shumë shpejt, yjet e kinemasë e vënë re potencialin modë të këtyre syzeve dhe i

adoptojnë për të përmirësuar lookun

e tyre në mënyrë origjinale, duke ruajtur gjithmonë

tiparin glamur të kësaj shpikjje që premton që në shpërgënj famën që do ta pasonte.

Presidenti John F Kennedy me një palë syze Wayfarer në 1962.

 

MODELI WAYFARER: FAME E RRUFESHME

Të krijuara në 1952, syzet Wayfarer shquhen nga modelet e tjera të syzeve Ray Ban për

shkak të skeletit plastik të trashë, origjinalitet i veçantë që rivalizonte me skelet klasike

prej metali.

Shumë shpejt, yje të shumtë do ti adoptojnë, si Audrey Hepburn që i feminilizon dhe i

përdor në filmin “Breakfast at Tiffany’s” në 1961, dhe nis kësisoj vallen e popullarizimit

në masë të këtij modeli të ri.

Një epokë e re hapet për Ray Ban që bëhet sakaq markë kult për të gjithë personalitetet e

artit dhe kinemasë.

Audrey Hepburn në filmin “Breakfast at Tiffany’s” me Wayfarer.

GJITHNJE NE MODE DHE GJITHNJE MBRET

Megjithëse e humbasin për pak shkëlqimin në vitet 70 , syzet Wayfarer, që ia shohim

James Deanit, Bob Dylanit, apo edhe Marilyn Monroe , e arrijnë sërish suksesin që nga

vitet 80.

Prania e tyre në ekrane është e pashmangshme, syzet Wayfarer i mbajnë të gjithë heronjtë

e artit të shtatë: “Blues Brothers”, i riu Macaulay Culkin i “Mami, më la avioni”, Tom

Cruise në “Risky Business”… Këto filma me një popullaritet të pakontestueshëm, I

shndërruan përfundimisht këto syze në një aksesor kult, duke përhapur imazhin e një

Amerike sa cool edhe glamour.

Dhe yjet e kinemasë nuk i heqin as jashtë shesheve të xhirimeve, çka e shtyn publikun të

dyndet për të blerë modelet e fundit për t’u ngjarë idhujve të tyre.

Foto marrë nga filmi “Blues Brothers”i John Landis,ku aktorët mbajnë Wayfarer të Ray

Ban.

NJE SUKSES GJITHNJE AKTUAL

Që nga ky moment, syzet Wayfarer kanë arritur statusin e syzeve më të shitura në botë,

duke e ndarë këtë titull me shumë pak simotra që kanë shënjuar historinë e modës.

Ray Ban di ta zotërojë këtë sukses duke e rinovuar vazhdimisht modelin e tij kult: size të

palosëshme për më shumë lehtësi, me forma më fine për një elegancë të garantuar apo

edhe me bishta shumëngjyrësh dhe motive të personalizuara për më shumë origjinalité.

Një nga ndryshimet e fundit? Për besnikët dhe të apasionuarit e përhershëm, Ray Ban

krijon edhe modele me kopje të limituara, për një look unik dhe të paimitueshëm.

Taylor Swift mban syze dielli Way Farer të Ray Ban.