(FOTO: Robert De Niro) /  

 

Aktori Robert De Niro duket se i ka rritur tonet  kundër Trump pas takimit në Shtëpinë e Bardhë me presidentin Obama . Të Martën, bashkë me 20 personalitete të tjerë, De Niro mori Medaljen e Lirisë nga Presidenti aktual.

Kur u pyet ngs ITK se cili do të ishte mesazhi që donte të ndante me Presidentin e zgjedhur Trump, De Niro u përgjigj se “do të doja  t’i jepja një shpullë fytyrës”.

Por pas pak sekondash u drejtua e tha: “Dua të pres e të shikoj çfarë do të bëjë…”.

“Unë dua të them, gjithashtu, se të gjithë po presim, po presim  e shpresojmë se ai do ta udhëheqë vendin në rrugën që do të përfitojnë të gjithë ne, si dhe të gjithë fqinjët e popujt në botë. Kjo është e gjitha”- tha De Niro për ITK- sipas gazetës Hill.   “Ne po presim e po shpresojmë, dhe të gjithë do të shikojmë”- tha.

De Niro shtoi se ka prodhuar një video ku thotë se “dua t’i jap një shpullë fytyrës Trump-it” që e ka shpërdarë para një muaji. Por video ishte “më shumë simbolike” se sa e vërtetë. Megjithatë “secili do të donte t’i jepte një shpullë, me gjithë ato që tha në fushatë”, tha përsëri De Niro.

“Tani ai është president i zgjedhur dhe vetëm dua të shikoj çfarë do të bëjë”, tha De Niro- sipas Hill.

Aktori i njohur thuajse ka dalë nga pozitat e luftës kur e quajti kandidatin Trump herë “qen”, herë “derr”, herë “artist i ndyrë”, herë “baltë që nuk di çfarë thotë”, “bezdi për këtë vend”, etj.

/Veritas.com.al/