Kryeministri i Shqipërisë, Edi Rama vizitoi të hënën e 4 korrikut Gjykatën Penale Ndërkombëtare (GJPN) në Hagë, ku kërkoi drejtësi për të gjitha viktimat e krimeve mizore.
 “Republika e Shqipërisë mbetet e përkushtuar ndaj ligjit dhe drejtësisë ndërkombëtare ndaj krimeve më të rënda të kryera në mbarë botën”, u shpreh fillimisht kreu i qeverisë.

Rama përsëriti “mbështetjen e Shqipërisë për GJPN-në dhe Prokurorinë në punën e tyre vendimtare për të garantuar universalitetin e Statutit të Romës në sigurimin e drejtësisë për të gjitha viktimat e krimeve mizore”.

 

Kryeministri u takua me Presidentin e GJPN-së, gjyqtarin Piotr Hofmański dhe prokurorët e GJPN-së, Karim A.A. dhe Peter Lewis.

 

Hofmański falënderoi përfaqësuesin shqiptar për nderimin e gjykatës me vizitën e tij.

“Vlerësohet shumë bashkëpunimi dhe mbështetja e Republikës së Shqipërisë me Gjykatën si një Shtet Palë shumëvjeçare e Statutit të Romës”, theksoi zyrtari ndërkombëtar.

Sipas Ramës, Shqipëria si anëtar i Këshillit të Sigurisë së Kombeve të Bashkuara do të vazhdojë të mbajë përgjegjësinë për të siguruar llogaridhënie sa herë që shkelet ligji ndërkombëtar.

Vizita e kryeministrit Rama në GJPN, nxjerr në pah mbështetjen e Shqipërisë ndaj Gjykatës.

Kjo, dhe përpjekjet e përbashkëta në luftën kundër mosndëshkimit të autorëve të krimeve më të rënda.

Këto të fundit, prekin komunitetin ndërkombëtar në tërësi.

Shqipëria nënshkroi Statutin e Romës më 18 korrik dhe depozitoi instrumentin e saj të ratifikimit të Statutit të Romës më 31 janar të vitit 2003.