Një samit të jashtëzakonshëm e ka konsideruar Presidentja e Kosovës Vjosa Osmani, Samitin e BE që po mbahet këtë të premte në Tiranë.

“Një samit jashtëzakonisht i rëndësishëm për të gjithë ne që aspirojmë të anëtarësohemi. Uroj Shqipërinë dhe Kryeministrin është me rëndësi të dalim me një plan konkret si do të ecet përpara. “ tha ajo, ndërsa thekson se shpreson nga BE të heqë masat ndaj Kosovës në mënyrë që në tryezën e bisedimeve të jenë të gjithë të barabartë.

“Ka një bllokadë totale, nga BE nuk vlerësohen reformat tona, fakti që jemi 100 % në politikat e BE po jepet një shembull i keq që po i jepet më shumë mundësi atyre që shkojnë në Moskë.

Kam më shumë pritshmëri sa i përket një balance nga BE, Kosova është nën masa, Serbia nuk është kjo e prish balancën. Kam besim se do të shtyhet heqja e masave.” tha Osmani.

Ndër të tjera vlerësoi rolin e Shqipërisë në mbështetje të Kosovës.

“Nga Shqipëria kërkojmë të vijojë përkrahjen dhe të flasë sa më shumë dhe më zëshëm me shtete që nuk e kanë njohur kosovën. Dialogu nuk do të jetë sot temë në samit, nuk ka takime dypalëshe me Vucic.”