(FOTO: Fikret Tevfik Oktay në një valle me bashkë patriotët shqiptarë)/

Fikret Tevfik Oktay, qytetar turk nga Ankaraja por me origjinë shqiptare nga babai, mori pasaportën e shtetit shqiptar. Babai i tij, ishte ushtarak madhor në ushtrinë e Perandorisë Osmane e më pas në ushtrinë e Ataturkut me të cilin  kishin miqësi personale.

Për shkak të luftërave të zhvilluara në rajonin e Ballkanit e më pas atyre botërore ishin shkëputur lidhjet me Shqipërinë. Më pas vetë izolimi i Shqipërisë, i bëri të pamundur komunikimet me botën e jashtme. Për vite me radhë familja e Oktayt dhe të afërmit e tyre në Shqipëri të cilët janë familja e ish deputetit Flamur Çelaj ,nuk e harruan kurrë lidhjen familjare.

Shprehja  “gjaku nuk humbet” rezulton të jetë e vërtetë dhe falë përpjekjeve të jashtëzakonshme nga të 2 anët, familja u ribashkua pas shumë viteve. Kërkimet mes dy familjeve zgjatën vite të tëra deri sa u gjetën

Sipas ish-deputetit Flamur Çelaj, dëshira e 90 vjeç arit për të pasur pasaportën Shqiptare ishte një nga ëndrrat më të mëdha në jetën e tij . Kjo u plotësua falë dekretit të për shtetësi nga Presidenti Ilir Meta. Ai dëshironte që pjesën tjetër të viteve t’a jetojë si shqiptar. Pas marrjes së pasaportës shqiptare, familja Çelaj organizoi një festë tradicionale me motive shqiptare.

Veritas.com.a,/