![](https://veritas.com.al/wp-content/uploads/2023/12/f8f6c358-9f34-44a2-a146-7fafc38bbfac-1.jpg)
Kampionati i Shahut është një sport i vështirë, i bukur, por edhe shumë sfidues për të apasionuarit. Në Shqipëri para pak ditësh u zhvillua Kampionati Kombëtar i Shahut, ndërsa Kler Çaku u shpall kampione. Ajo tregoi emocionet e triumfit dhe sfidat që kaloi në këtë garë, në një lidhje direkte me emisionin “ABC e mëngjesit”
“Në kampionatin kombëtar u zhvilluan gjithsej tetë ndeshje, unë mora 6.5 pikë gjithsej. Bëra gjashtë fitore, një barazim dhe një humbje. Ishte deri në ndeshjen e fundit një garë që duhej përkushtim, pasi isha një pikë pas vendit të parë në ndeshjen e fundit dhe po ta mundja do dilja kampione, ndaj duhet përkushtim deri në ndeshjen e fundit”, tha ai.
Pak javë ë parë ajo u shpall kampione Evrope në sportin e Shahut. 13-vjeçarja shqiptare, thotë se në këtë kampionat ka siguruar 7 fitore dhe dy barazime, ndërsa sfidën e fundit për vendin e parë e kishte me një kundërshtare nga Sllovakia.
Ajo u shpreh se sfida ishte e fortë, por në fund arriti të mposhtte kundërshtaren duke marrë vendin e parë në kampionat.
“Ka qenë goxha stres gjatë gjithë ndeshjeve, Kur shkova aty e kisha në mendjen fitoren gjithë kohës dhe kur kam shkuar aty kam shkuar për të qenë superiore ndaj të tjerave dhe për të dalë e para, siç edhe dola. Kam bërë vetëm dy barazime, dhe shtatë fitore. Loja më e fortë ishte loja që fitova dhe sfida ishte me një sllovake. E Mbajti lojën shumë dhe më sulmoi, por në fund e fitova”, tha ajo./