Moderatori i nje emisioni televiziv, Ardit Gjebrea është paraqitur mëngjesin e kësaj të premteje në ambientet e Prokurorisë së Posaçme, ku është marrë në pyetje nga prokurori Ols Dado në lidhje me dosjen hetimore që lidhet me kryebashkiakun e Tiranës, Erion Veliaj.

Paraqitja e Gjebreas në SPAK vjen në kuadër të hetimeve që po zhvillohen për këtë çështje.

Ende nuk ka detaje zyrtare lidhur me përmbajtjen e dëshmisë së tij apo pyetjet që i janë drejtuar nga prokurorët.

Hetuesit po vijojnë verifikimet për të zbardhur rrethanat dhe për të dokumentuar të gjitha elementet që lidhen me dosjen.