Presidenti francez Emmanuel Macron emëroi të premten aleatin e qendrës François Bayrou si kryeministër pas një votimi historik parlamentar që rrëzoi qeverinë e mëparshme javën e kaluar.

Bayrou, 73 vjeç, një partner vendimtar në aleancën centriste të presidentit Macron, ka qenë një figurë e njohur në politikën franceze për dekada. Përvoja e tij politike shihet si kyçe në përpjekjet për të rivendosur stabilitetin pasi asnjë parti e vetme nuk ka shumicën në Asamblenë Kombëtare.

Qeveria franceze u rrëzua javën e kaluar pasi kryeministri Michel Barnier humbi një votë mosbesimi. Reagimi i ashpër i partive erdhi pasi vendosi të përdorë fuqi të veçanta për të detyruar një buxhet të sigurimeve shoqërore përmes dhomës së ulët të parlamentit pa një votim përfundimtar.

Ishte hera e parë që një qeveri franceze humbi një votëbesimi që nga viti 1962, dhe Barnier më pas dha dorëheqjen e tij.