Dy persona kanë ndërruar jetë nga koronavirusi gjatë 24 orëve të fundit në Elbasan, njëri vetem 37 vjeç, ndersa i dyti 73-vjeçar.

Të dy ata ishin pa sëmundje bashkëshoqëruese. Mësohet se 37-vjeçari, Elton Gegolli ishte ndjekur nga mjekët në Elbasan, pasi kishte rezultuar pozitiv me Covid-19, por pasi gjendja e tij u përkeqësua me kalimin e ditëve, ai u dërgua në Tiranë, ku u shtrua te Sanatoriumi.

Prej 10 ditësh i shtruar në spitalin “Shefqet Ndroqi”, i riu nuk e ka fituar dot betejën me sëmundjen dhe ka ndërruar jetë mëngjesin e sotëm.

Në shkallë vendi aktualisht ka afro 19 mijë raste aktive. Në qytetin e Elbasanit sipas ministrisë së Shëndetësisë janë 822 raste aktive.

VERITAS.COM.AL/