Kandidatja e PD-së për Vaun e Dejës në zgjedhjet e 14 majit është shprehur se kërcënimet dhe presionet nga përfaqësuesit e koalicionit Bashkë Fitojmë janë nga më të ndryshmet për të gjithë kandidatët e PD-së që pranuan të garojnë në këto zgjedhje.

Klomentina Drini i është përgjigjur pyetjes së gazetares Elisa Gjerani, në “Tirana Live” nëse ajo vetë është përballur me ndonjë kërcënim dhe ajo theksuar se personalisht jo se të gjithë kundërshtarët e dinë që ajo nuk i ha presionet, por është elektorati që po përballet me një presion të tillë ka thënë ajo.

“Çdo gjë që kryetari i partisë thotë është e vërtetë, presione ndaj meje nuk ka sepse të dy kandidatët e dinë se unë nuk jam një person që ha presion, pavarësisht intrigave që bëjnë. Por më shumë është presioni që ato i bëjnë elektoratit. Nëse ka një person që është i ndershëm në PD është Enkelejd Alibeaj. Do të doja shumë që njerëzit ta njihnin se ai kurrë nuk i ka shitur idealet e Partisë Demokratike”, ka thënë ajo.

Ndërkohë në lidhje me presionet që bëhen në këtë bashki përsa i përket garimit të saj, Drini ka theksuar se elektorati kërcënohet se do u nxihet jeta sapo ato të vijnë në pushtet.

“Presioni është i formatit të tillë se nesër kur të vij unë në pushtet ju nuk do të shikoni më dritën e diellit, dhe nuk ndodh vetëm nga Sali Berisha por edhe nga elektoratët e tjerë. Ndaj deklaratat e mia kanë marrë frymë pasi e dinë se unë nuk ha presion dhe nënkryetari i Partisë sepse unë jam shkatërruar nga puna dhe më janë shkarkuar dhe punonjësit e  mi dhe ne sërish nuk jemi trembur. E njëjta gjë ka ndodhur dhe me zotin Hila ai e di se unë nuk e ha presionin. Mund të ndodhin gjëra të tjera më të rënda. Atje është një zonë ku çdo ditë pritet që të ndodhë një gjë. Jemi në një zonë që luftojnë për një karrige siç mund të luftojnë për mbijetesë”, ka thënë ajo.

“ Që e vogël jam rrit me frymën se ca do me thënë demokraci. Mua s’më tremb jo Sali Berisha, po edhe sikur të cohen Sali Berisha me 40 hajdutët që ka pas vetes, e Tom Doshi me ca ka pas, e tjetri e tjetri, nuk i kam në listë hic kur vjen puna me mbrojt banorët e asaj zonë.

E kam vendos në këtë rrugë për jetë a vdekje me i pri kësaj rruge e nuk tërhiqem. Ditën që e kam pranu këtë pozicion nuk ka kthim pas, cilido qoftë presioni edhe sikur të më cënojnë pjesëtarët e familjes. Jo vetëm Vau i Dejës, por gjithë shqiptarët kanë nevojë për ndryshimin me pas një PD të fortë. Deputetët e PD e kanë harruar se janë zgjedh me votat e popullit.” u shpreh ajo.