SERBI- Kuvendi i Serbisë është përfshirë nga kaosi total të martën, ndërsa janë hedhur mjete piroteknike dhe tymuese në sallë. Mediat vendase shkruajnë se kjo situatë ka ardhur si pasojë e refuzimit të kërkesave të opozitës për futjen e dy pikave në rendin e ditës.

Po ashtu nuk kanë munguar edhe përplasja fizike mes mazhorancës dhe opozitës. Kryetarja e Kuvendit, Ana Brnabiç tha se deputetja Jasmina Obradoviç, është goditur nga një molotov dhe  ka pësuar lëndime. Ajo është transportuar për ndihmë në spital.

Qeveria miratoi paraprakisht rendin e ditës me 62 pika, ku përfshiheshin edhe ndryshimet në Ligjin për Arsimin e Lartë.

Këto të fundit janë kërkesë e studentëve që protestojnë në Serbi, që nga shembja vdekjeprurëse e një strehe në Stacionin Hekurudhor të Novi Sadit, më 1 nëntor të vitit të kaluar.

Në seancë duhej të miratohej edhe dorëheqja e kryeministrit të Serbisë, Millosh Vuçeviç, të cilën ai e ofroi më 28 janar, nën presionin e protestave të studentëve.

Opozita kërkoi që në rend dite të ishin vetëm ndryshimet në Ligjin e Arsimit të Lartë, duke thënë se Qeveria që ka shpallur dorëheqjen, nuk mund të miratojë ligje të rëndësishme.

Disa deputetë të opozitës në sallë mbajtën edhe fotografi me duar të përgjakura dhe pankarta ku shkruhej: “Grevë e përgjithshme”, “Studentët kanë të drejtë” dhe “Mësimdhënës, jemi me ju”.

Etiketa:

  • Parlament
  • serbi

    • Komente

    Lini një Përgjigje

    Adresa juaj email s’do të bëhet publike. Fushat e domosdoshme janë shënuar me një *