Sondazhi është kryer në periudhën 3 deri më 9 mars 2021 me të intervistuar mbi 18 vjeç. 1519 të anketuarit i janë përgjigjur pyetjeve nëse Shqipëria po shkon në drejtimin e duhur apo të gabuar, cilat janë problemet më të rëndësishme për të cilën të intervistuarit janë më shumë të interesuar në vend e që do të ndikonte në votën e tyre.

38% e shqiptarëve mendojnë se shqiptarët po shkojnë në drejtim të duhur, njësoj si në muajin shkurt.

Gjithashtu edhe përqindja se sa mendojnë se po shkon në drejtim të gabuar është e njëjtë me muajin shkurt, 47%. Ndërsa vetëm 8% mendojnë se nuk është asnjë nga të dyja.

Oliviero Marchese drejtorI i Përgjithshëm i Kërkimeve Elektorale, IPSOS tha se mazhi i gabimit është 3%.

“Marzhi i gabimit në një përqindje është 3%. Kuptohet që ka një stabilitet absolut, kemi një qëndrueshmëri në tendencë. Është si puna e motit që është më e vështirë dhe opinioni publik është më i lëkundur dhe mund të jemi subjekt i gabimeve të ndryshme. Por të gjitha kërkimet që bëhen sondazhet mbeten mënyra më e mirë”, tha ai.