Dy persona kanë humbur jetën dhe tre të tjerë kanë mbetur të plagosur si pasojë e të shtënave me armë pranë stacionit të trenit Gare de Midi në Bruksel. Ngjarja ka ndodhur mes orës 01:00 dhe 02:00 të mëngjesit pranë një kafeneje në lagjen Saint Gilles të kryeqytetit belg.

Ndërsa i dyshuari u largua nga vendi i krimit, sipas një zëdhënësi të policisë. Të plagosurit janë dërguar menjëherë në spital, dy prej të cilëve janë në gjendje të rëndë për jetën.

Në një goditje të fundit kundër trafikut të drogës, zyrtarët e Brukselit identifikuan Saint-Gilles si një nga 15 pikat e nxehta të drogës në 19 bashkitë e kryeqytetit.

Megjithatë, policia nuk ka përcaktuar deri tani një lidhje midis të shtënave dhe tregtisë ilegale të drogës në qytet. Vitet e fundit, Belgjika ka dëshmuar një rritje të sulmeve me armë lidhur me rivalitetet midis bandave të trafikut të drogës.