![](https://veritas.com.al/wp-content/uploads/2020/06/thaci-kurti.jpeg)
Pasi Policia e Kosovës mbylli kufirin me Shqiperine dhe u kërkonte 22 euro kamionëve nga Shqipëria dhe karantinë një javë shqiptarëve, ka ardhur edhe reagimi nga Hashim Thaçi.
Me tone të ashpra, Presidenti i Kosovës ka sulmuar kryeministrin në detyrë, duke e cilësuar si uzurpator të zyrës.
Thaçi shkruan se Albin Kurti me veprime absurde ia ka hequr taksat Serbisë dhe ia ka vendosur kamionëve nga Shqipëria.
Postimi i plotë:
Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës.
Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19.
Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.
Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.
Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar! HTH
VERITAS.COM.AL