Presidenti amerikan, Donald Trump filloi bisedimet me Presidenten e Komisionit Evropian Ursula von der Leyen të dielën në Turnberry të Skocisë,  për të arritur një marrëveshje tregtare.

Trump tha se Shtetet e Bashkuara nuk mund të ulin nivelin e tarifave gjithëpërfshirëse prej 15% për Bashkimin Evropian, shkruan CNN.

Ai nuk specifikoi “tre ose katër pikat ngërçuese” që po negocioheshin dhe tha se një marrëveshje mund të arrihej brenda një ore. Ai tha se pika kryesore ngërçuese ishte “drejtësia”.

Nuk duhet të zgjasë kaq shumë. Është, e dini, e ndërlikuar, por jo vërtet e ndërlikuar kur ia del ta thuash, apo jo”, tha Trump në konferencën për shtyp.

Trump përsëriti se gjasat për të arritur një marrëveshje me BE-në janë “50-50”. Von der Leyen u pajtua se ekziston një “shans 50 deri në 50% për të arritur një marrëveshje” dhe BE-ja do të “duhet të ribalancojë” deficitin e saj tregtar me Shtetet e Bashkuara.

Takimi vjen pasi Trump njoftoi se detyrimet për shumicën e mallrave të BE-së do të rriteshin nga niveli bazë universal prej 10% në një taksë prej 30% më 1 gusht, duke përmendur se Shtetet e Bashkuara dhe Bashkimi Evropian kanë një nga ” deficitet më të mëdha tregtare ” dhe nuk arritën të arrinin një marrëveshje deri në afatin e mëparshëm të Trump, më 9 korrik