AFP, Breitbart/

Paris (AFP) – Ndërsa protestuesit u shpërndanë nga Arc de Triomphe në Paris, përplasjet e ditës midis policisë dhe demonstruesve “jelek verdhë” lanë dhjetëra makina të djegura dhe dyqane te vandalizuara.

“Po digjet!” Bërtiti një grua që ikte pasi dy zjarre fituan forcë përgjatë Boulevard des Capucines në qendër te Parisit.

 Sirenat e policisë binin përgjatë rrugëve elegante zbukuruar me dekorimet e Krishtlindjeve, ku dyqanet zakonisht të mbushura me blerësit e festave mbetën të mbyllura, me dritaret e ngritura si në pritje të një uragani.

“Ajo është ne panik!” tha një nënë për vajzën e saj, duke iu lutur një kamerieri që t’u jepte strehë në Cafe de la Paix,pranë Opera Garnier.

Disa blloqe me larg, gurët e trotuareve dhe tullat mbushnin rrugët pranë kishës Madeleine, ndërsa një “A” në një rreth, shenjë e anarkisë, ishte pikturuar me spraj në një bankë.

“Nuk e dimë nëse është e sigurt apo jo, Është e frikshme”, tha Giselle Rosano, një braziliane me qendër në Berlin, pasi u kthye mbrapsht nga Bulevardi Haussmann nga një oficer me veshje anti-trazira.

Nëpër kryeqytet ngrihej nje tym i trashë që vinte nga barrikadat e improvizuara të ndezura, dhe në afërsi të rrugës së njohur të Champs-Elysees,karkasa e një gërmuesi ndërtimi digjej ne vetvete.

Ishte e shtuna e tretë radhazi e protestave “jelek verdhë” kundër taksave të karburantit që ka vënë theksin mbi sentimentin kundër Presidentit Emmanuel Macron.

Ndonëse dolën me pak protestues, ata që u dukën ishin të vendosur për tu marrë me mijëra policë të  pozicionuar për të frenuar dëmin.

“Unë mbështes jeleket e verdhë, por duke parë gjithë këtë dhunë, kete rrëmujë, më bën të dua të qaj,” tha Fanny, një infermiere 47-vjeçare, për AFP.

“Është si Revolucion,” tha ajo.

– ‘Vrit borgjezet’ –

Shumë nga protestuesit kishin shpresuar se Macron do të dëgjonte ankesat e tyre rreth rritjes së kostos së jetesës dhe luftës së tyre për te kuadruar llogarite mbi pagat ose pensionet e ulëta.

Por në vend të kësaj, kanalet e lajmeve treguan meshkuj të rinj të veshur me shalle ose madje edhe maska antigaz, disa duke marshuar me një flamur që lexonte “Njerëzit janë të dëshpëruar, Vrit borgjezinë”.

Përgjatë te pasures Avenue Foch,afër Arc de Triomphe, vendi për ambasadat dhe rezidencat luksoze, protestuesit shkulen stolat për të formuar një bllokadë, një person tundte një flamur pirat me kafkë dhe kocka.

“Situata është e çmendur. Ekipet tona më thonë se është një kryengritje “, tha Antoine Berth, një zëdhënës për grupin ekstrem të djathtë Action Francaise.

“Shoh se tradita revolucionare është ende mjaft e ngulitur në Francë,” tha Augustin Terlinden, një belg 33 vjeçar qe vraponte pranë Arc de Triomphe.

Diku tjetër, një protestues që mbante një nga xhaketat e verdha të vizueshmerise se lartë, kishte kokën e mbuluar me gjak. “U takova me një polic,” shpjegoi ai.

Ndërkohë që shumë demonstrues dhe politikanë e denuan dhunën, të tjerë thoshin se Macron po paguante çmimin për refuzimin për të ulur taksat e karburantit, të cilat do të rriten përsëri në janar.

Chantal, një 45 vjeçare, që erdhi nga Lorraine në Francën lindore për të marrë pjesë në protestë me bashkëshortin dhe dy fëmijët e saj, tha se “heshtja e Macron” ishte pritur me “dhunë të ligjshme”.

“Çdo muaj mbaroj me një overdraft 500 euro ($ 565). Ne nuk kemi marrë pushime për tre vjet,” i tha Chantal, një nëpunësi civil qe tha se ajo fitonte 1.700 euro në muaj.

Romain, një punëtor 39-vjeçar në Opera Garnier, e quajti vandalizmin “një e keqe e domosdoshme” dhe “një mënyrë për të shprehur veten”.

“Por te djegësh makinat e njerëzve, kjo nuk është e mirë”, tha ai.

VERITAS.COM.AL