(FOTO: Shumë francez po shprehin solidaritet me oficerin e vrarë të Policisë)/

Personi i armatosur që qëlloi për vdekje mbi një polic dhe plagosi një tjetër të Enjten në Paris, është identifikuar nga letrat që la në makinën e tij, por zyrtarët e Francës nuk e kanë bërë akoma të njohur emrin e tij.

Media lokale thotë se 39 vjeçari jetonte në periferi të qytetit dhe shihej si një radikal islamik  potencial.

Personi i armatosur plagosi dy oficerë policie para se se të vritej nga forcat e sigurisë në Champs Elysees.

Një armë ‘shotgun’ dhe një thikë janë gjetur në makinën e tij- sipas stacionit televiziv Francez BFMTV. Media franceze e ka quajtur atë me emrin Karim Cheurfi, 39 vjeç, nga zona periferike Chelles e Parisit Lindor.

Një tjetër autor i dyshuar që mund të jetë i lidhur me sulmin është dorëzuar në Policinë e Belgjikës. Policia Franceze ka ndaluar tre anëtarë të familjes së autorit të vrasjes së oficerëve të policisë- siç raporton Reuters- duke cituar një burim legal.

/Veritas.com.al/