![](https://veritas.com.al/wp-content/uploads/2017/03/ambasada-e-shba-s-euml-n-euml-beograd-kosova-e-shpalli-pavar-euml-sin-euml-legalisht_2_hd.jpg)
“Kemi marrë mbështetje totale në Uashington dhe këtë mbështetje e përkthejmë në këtë aksion politik që ka vetëm një synim, Shqipërinë e standardit evropian. Nuk do të ketë asnjë tërheqje”. Kjo ishte deklarata e Lulzim Bashës nga çadra e protestës së opozitës, duke këmbëngulur se kauzat e Partisë Demokratike mbështeten nga Shtetet e Bashkuara të Amerikës.
“Për këtë betejë, për këtë kauzë të zgjedhjeve të lira e të ndershme, largimit të krimit nga politika dhe luftën pa kompromis kundër drogës, kemi marrë mbështetje totale në Washginton dhe këtë mbështetje e përkthejmë në këtë aksion politik që ka synim Shqipërinë.
Nuk ka tërheqje sepse do të thotë rënie të zgjedhjeve të lira e të ndershme, tërheqje do të thotë Shqipëri të republikës së drogës”, deklaroi lideri i Opozitës.