Sekretari amerikan i Shtetit Antony Blinken ka mbërritur në Izrael në shenjë mbështetjeje pas sulmeve vdekjeprurëse të fundjavës nga Hamasi.

Z. Blinken pritet të kërkojë lirimin e pengjeve të rrëmbyer nga Hamasi, disa prej të cilëve janë amerikanë.

Ai gjithashtu do të kërkojë përmbajtje dhe do të kërkojë kalim të sigurt për civilët e Gazës përpara një ofensive të mundshme tokësore izraelite.

Të paktën 1,200 izraelitë vdiqën në sulm, dhe mbi 1,100 palestinezë kanë vdekur në sulmet ajrore në Gaza.

Rreth 22 shtetas amerikanë dihet gjithashtu se kanë vdekur në Izrael.

Hamasi, i cilësuar si një organizatë terroriste nga SHBA, mori deri në 150 persona peng kur luftëtarët e tij thyen gardhin kufitar në disa vende në Rripin e Gazës të shtunën dhe filluan sulmin më serioz ndërkufitar me të cilin është përballur Izraeli në një brez.

Blinken pritet të takohet me Presidentin izraelit Isaac Herzog të enjten në mëngjes dhe kryeministrin Benjamin Netanyahu më vonë gjatë ditës.

Të premten ai do të takohet me presidentin palestinez Mahmud Abbas dhe mbretin e Jordanisë Abdullah në kryeqytetin jordanez Aman.

Presidenti i SHBA Joe Biden tha më herët se ai ia kishte bërë të qartë zotit Netanyahu se Izraeli “duhet të veprojë sipas rregullave të luftës” në përgjigjen e tij ndaj sulmeve të Hamasit.

Por ai tha se Izraeli kishte të drejtën dhe detyrën për t’u përgjigjur dhe i quajti sulmet një “akt të së keqes”.

Izraeli ka thënë se një bllokadë totale – duke përfshirë ushqimin, karburantin dhe sendet e tjera thelbësore – e vendosur në Gaza pasi sulmet nuk do të hiqen derisa pengjet të lirohen.

Izraeli është zotuar të asgjësojë Hamasin dhe ka nisur një fushatë të fuqishme bombardimi në enklavën e vogël prej 2.3 milionë banorësh.

Reuters citoi një zyrtar të paidentifikuar të Departamentit Amerikan të Shtetit të thoshte se kishte deri në 600,000 palestinezë amerikanë në Gaza, disa prej të cilëve donin të largoheshin.

Ndërkohë, agjencitë e ndihmës kanë bërë thirrje për korridore humanitare për të lehtësuar vuajtjet e civilëve në Gaza.