Ndërsa numri i përgjithshëm i rasteve të koronavirusit në Sh.B.A u ngjit në 1.325 të enjten, me gati 40 vdekje në mbarë vendin, shumë zyrtarë shtetërorë kanë sinjalizuar zhgënjimin për mungesën e testeve që po kryhen për të zbuluar COVID-19.

Qeveria federale nuk ka lëshuar asnjë numër zyrtar për kapacitetin e përgjithshëm të testimit të vendit dhe agjenci të ndryshme kanë ofruar shifra të ndryshme. Ligjvënësit kanë sugjeruar se ekzistojnë 2.4 milion teste që mund të mbulojnë 800,000 amerikanë. Cdo kit prove e shpërndarë në laboratorë dhe qendra testimi thuhet se përfshin dy tampone – një për hundën dhe nje per gojën – por të dhënat konfliktuale kanë ngjallur ankth, pasiguri dhe konfuzion në lidhje me disponueshmërinë e testeve.

Zyrtarët e administratës Trump kanë lënë pa përgjigje “shumë pyetje”, veçanërisht në kapacitetin e testimit të kombit, tha Rep. Amerikan Mark Walker, R-N.C.

“Unë besoj se [Qendrat për Kontrollin dhe Parandalimin e Sëmundjeve] u përpoqën të japin një përgjigje vërtet të fortë për të qenë në gjendje të kopjojnë disa nga vendet si Koreja e Jugut,” shtoi ai. Kombi aziatik, shumë më i vogël se Sh.B.A, raportohet se ka testuar qytetarët e saj në një shkallë shumë më të madhe.

Anëtari i Task Force Coronavirus i Sh.B.A. Dr. Anthony Fauci nga Instituti Kombëtar i Shëndetësisë u tha anëtarëve të Dhomës të enjten se Sh.B.A duhet të përmirësojë procedurat e saj të testimit. “Sistemi nuk është me të vërtetë i përshtatur me ato që na duhen tani,” tha Fauci. “Ky është një dështim. Eshtë një dështim, le ta pranojmë. ”

Dr Scott Gottlieb, ish komisioneri i FDA dhe aktualisht bashkëpunëtor pranë Institutit Amerikan te Ndërmarrjes, një qendër konservatore, tha të enjten se ai besonte se laboratorët Amerikanë mund të përpunojnë rezultate për më shumë se 20,000 pacientë në ditë – një shifër e bazuar në një kombinim të informacionit publik te raportuar dhe vlerësimeve historike nga laboratorët qeveritar, privat dhe akademik – por kjo është një shifër teorike.

VERITAS.COM.AL/