Shkrimtari  Ismail Kadare ishte sot në një takim me të rinjtë  e qytetit të Vlorës, për të folur për librin Kohë për rrëfim.

Kadare u rikthye në Vlorë pas 20 vitesh. “Shoh një Vlorë më të bukur”, tha shkrimtari duke iu referuar ndryshimeve të ndodhura.

“Vlora është qytet i dashur për letërsinë, që e kam dashur që në adoleshencë. Na ka mirëpritur gjithnjë me një cilësi hyjnore që vijon ta ketë edhe sot. Më vjen mirë që shoh një Vlorë plot ndryshime”, shtoi Kadare. Gjithashtu shkrimtari iu përgjigj pyetjeve të të rinjve plot humor.